മരട്: ഗോവയില് നടക്കുന്ന 71-ാമത് സന്തോഷ് ട്രോഫി ഫുട്ബോള് മത്സരങ്ങള് നിയന്ത്രിക്കാന് മലയാളിയും. മരട് നെട്ടൂര് തെക്കേടത്ത് സൗപര്ണ്ണികയില് പി.കെ. സുധാകരന്റേയും ടി.വി. രമണിയുടേയും മകന് സുമിരാജ് പി.എസ്. (29) ആണ് കേരളത്തില് നിന്നുള്ള ഏക റഫറി. കാക്കനാട് രാജഗിരി ക്രിസ്തുജയന്തി പബ്ലിക് സ്കൂളിലെ കായികാധ്യാപകനാണ്.
2008ല് ആണ് സുമിരാജ് കേരള ഫുട്ബോള് റഫറിയാകുന്നത്. തുടര്ന്ന് നിരവധി സംസ്ഥാനാന്തര മത്സരങ്ങളില് റഫറിയായിട്ടുണ്ട്. 2010ല് മലേഷ്യയില് നടന്ന എഎഫ്സിയുടെ പ്രോജക്ട് ഫ്യൂച്ചര് റഫറി കോഴ്സില് പങ്കെടുത്ത ഏക മലയാളിയാണ് സുമിരാജ്.
ഇറാനില് നടന്ന ഏഷ്യന് ഫുട്ബോള് കോണ്ഫെഡറേഷന്റെ അണ്ടര് 14 ഫുട്ബോള് ടൂര്ണ്ണമെന്റ്, വെസ്റ്റ് ബംഗാളില് നടന്ന എജെഎഫ്എഫിന്റെ അണ്ടര് 14 ഫുട്ബോള് ഫെസ്റ്റിവല്, ജാംഷെഡ്പൂരില് നടന്ന മാഞ്ചസ്റ്റര് യുണൈറ്റഡ് കപ്പ് ടൂര്ണ്ണമെന്റ്, പൂനയില് നടന്ന അണ്ടര് 19 ഫസ്റ്റ് ലീഗ് തുടങ്ങിയ മത്സരങ്ങളിലും റഫറിയായിട്ടുണ്ട്. ഇന്നലെ ഗോവയില് ആരംഭിച്ച സന്തോഷ് ട്രോഫി ഫുട്ബോള് ടൂര്ണ്ണമെന്റ് 26ന് അവസാനിക്കും.
