ഏലപ്പാറ: ഏലപ്പാറയില് എബിവിപിയുടെ കൊടിമരം തകര്ക്കുകയും സംഘപ്രവര്ത്തകരെ കൈയേറ്റം ചെയ്യുകയും ചെയ്ത സംഭവത്തില് ബിജെപി നിയോജകമണ്ഡലം പ്രസിഡന്റ് സന്തോഷ്കുമാര് പീരുമേട് പോലീസില് പരാതി നല്കി. മൂന്ന് ദിവസമായി സിപിഎം സംഘം പ്രദേശത്ത് അക്രമം അഴിച്ചുവിടുകയാണ്. പ്രകോപനപരമായി പ്രകടനം നടത്തിയ സിപിഎം, ഹയര്സെക്കണ്ടറി സ്കൂളിന് സമീപം സ്ഥാപിച്ചിരുന്ന എബിവിപിയുടെ കൊടിമരം നശിപ്പിച്ചു. ഈ സംഭവത്തില് പോലീസ് നടപടിയെടുത്തില്ല.
വെള്ളിയാഴ്ച വൈകിട്ട് സിപിഎം ഏരിയ കമ്മറ്റി ഓഫീസില് നിന്നും ഇറങ്ങിവന്ന പതിനഞ്ചംഗ സംഘം രണ്ട് സംഘ പ്രവര്ത്തകരെ കൈയേറ്റം ചെയ്യുകയും ഭീഷണിപ്പെടുത്തുകയും ചെയ്തു. ഈ സംഭവത്തിലും പോലീസ് അന്വേഷണം നടത്താതെ വന്നതോടെയാണ് ബിജെപി കാര്യങ്ങള് വിശദമാക്കി ഇന്നലെ പരാതി നല്കിയതെന്ന് ബിജെപി പീരുമേട് നിയോജകമണ്ഡലം പ്രസിഡന്റ് സന്തോഷ്കുമാര് അറിയിച്ചു. മണികണ്ഠന്, ബിജു എന്നിവരുടെ നേതൃത്വത്തിലുള്ള സംഘമാണ് അക്രമത്തിന് നേതൃത്വം നല്കിയതെന്ന് പരാതിയിലുണ്ട്.
