ചവറ: നിര്മ്മാണം പൂര്ത്തിയാകുന്ന ചവറ മിനി സിവില്സ്റ്റേഷന് പരിസരത്തെ കൈയ്യേറ്റം ഒഴിപ്പിക്കാതെ കോമ്പൗണ്ട് വാള് കെട്ടാനുള്ള അധികൃതരുടെ നീക്കത്തിനെതിരെ പ്രതിഷേധം ശക്തമാകുന്നു. സംഭവത്തില് പ്രതിഷേധിച്ച് മതില് നിര്മ്മാണം നാട്ടുകാര് തടഞ്ഞു.
ശങ്കരമംഗലത്ത് മുമ്പ് പിഎച്ച്സിയുടെ കെട്ടിടം നിന്നിരുന്ന അരയേക്കറോളം സെന്റ് സര്ക്കാര് ഭൂമിയാണ് സിവില്സ്റ്റേഷന്റ നിര്മ്മാണത്തിനായി മുന് യുഡിഎഫ് സര്ക്കാര് അനുവദിച്ചു നല്കിയത്.
എന്നാല് നിര്മിച്ച കെട്ടിടത്തിന് പടിഞ്ഞാറ് വശം ദേശീയപാതയോട് ചേര്ന്നുകിടക്കുന്ന കോടികള് വിലമതിക്കു ഇരുപത് സെന്റോളം വരുന്ന സര്ക്കാര് ഭൂമി പലരും കൈവശപ്പെടുത്തി പെട്ടിക്കടകള് സ്ഥാപിച്ചിരിക്കുകയാണ്. ഇത് ഒഴിപ്പിക്കുന്നതിന് നടപടി സ്വീകരിക്കാതെ കെട്ടിടത്തിനോട് ചേര്ന്ന് മതില് കെട്ടി തിരിക്കാനാനുള്ള നീക്കമാണ് നാട്ടുകാര് തടഞ്ഞത്. നേരത്തെ കയ്യേറി സ്ഥാപിച്ച കടകള് നീക്കം ചെയ്തിരുന്നെങ്കിലും ചില രാഷ്ടീയപാര്ട്ടികളുടെ പിന്ബലത്തോടെ വീണ്ടും കടകള് പുന:സ്ഥാപിക്കുകയാണ് ചെയ്തത്.
സിവില് സ്റ്റേഷന് പ്രവര്ത്തനം ആരംഭിക്കുന്നതോടെ ഇവിടെ വാഹനപാര്ക്കിങിന് സ്ഥലം ഇല്ലാതെയാകും. സര്ക്കാര് കൈയ്യേറ്റ ഭൂമി ഒഴിപ്പിച്ച് അത് സിവില്സ്റ്റേഷന് കോമ്പൗണ്ടായിമാറ്റി പാര്ക്കിങിനും മറ്റ് ആവശ്യങ്ങള്ക്കും പ്രയോജനപ്പെടുത്തുവാന് നടപടി സ്വീകരിക്കാത്തപക്ഷം ശക്തമായ പ്രക്ഷോഭം സംഘടിപ്പിക്കുമെന്ന് വിവിധ സംഘടനകള് മുന്നറിയിപ്പ് നല്കിയിട്ടുണ്ട്.
