ചെറുപുഴ: പരീക്ഷയില് മാത്രം വിജയം നേടിയാല് പോരാ, ജീവിത പരീക്ഷയില് എല്ലാ വിഷയത്തിലും എപ്ലസ് നേടാന് കുട്ടികള് തയ്യാറാകണമെന്നും ഇതിനായി ഉന്നതപഠനം എന്ന ലക്ഷ്യത്തോട് അടുക്കുമ്പോള് ആഴത്തിലുള്ള പഠനം നടത്തി ഉന്നത ശ്രേണിയിലെത്തണമെന്നും മന്ത്രി സി.രവീന്ദ്രനാഥ് പറഞ്ഞു. മാത്തില് എ.വി.എം. കുഞ്ഞിവിഷ്ണു നമ്പീശന് സ്മാരക ഗവ:ഹയര് സെക്കണ്ടറി സ്കൂളില് പയ്യന്നൂര് മണ്ഡലം ഇന്സൈറ്റ് വിജയോത്സവവും സ്കുളിന്റെ 60 ആം വാര്ഷികാഘോഷം ഉദ്ഘാടനവും ചെയ്തു സംസാരിക്കുകയായിരുന്നു. സി.കൃഷ്ണന് എംഎല്എ അദ്ധ്യക്ഷത വഹിച്ചു. ചടങ്ങില് എസ്എസ്എല്സി പ്ലസ് ടു പരീക്ഷകളില് മുഴുവന് വിഷയങ്ങള്ക്കും എപ്ലസ് നേടിയ പയ്യന്നൂര് നിയോജക മണ്ഡപത്തിലെ വിദ്യാര്ത്ഥികള്ക്കും വിദ്യാലയങ്ങള്ക്കും ഉപഹാരം നല്കി നവീകരിച്ച ക്ലാസ്സ് മുറികളുടെ ഉദ്ഘാടനവും മന്ത്രി നിര്വഹിച്ചു. ജില്ലാ പഞ്ചായത്ത് പ്രസിഡന്റ് കെ.വി.സുമേഷ്, ബ്ലോക്ക് പ്രസിഡന്റ് സി.സത്യപാലന്, വിവിധ പഞ്ചായത്ത് പ്രസിഡന്റുമാര്, രാഷ്ട്രീയ സാമൂഹ്യ സംഘടനാ നേതാക്കള് സംസാരിച്ചു.
ജീവിതപരീക്ഷയില് എല്ലാ വിഷയത്തിലും എ പ്ലസ് നേടണം: മന്ത്രി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.