ആലപ്പുഴ: വാഹനാപകടത്തില് ഗുരുതരമായി പരുക്കറ്റ യുവാവ് ജീവന് നിലനിര്ത്താന് ആവശ്യമായ ശസ്ത്രക്രിയകള്ക്ക് പണമില്ലാതെ സുമനസ്സുകളുടെ കാരുണ്യം തേടുന്നു. ആലപ്പുഴ കരളകം വാര്ഡില് വിത്തുപുരയ്ക്കല് കണ്ണന് നായര് – ഉഷാകുമാരി ദമ്പതികളുടെ മകന് ഉണ്ണിക്കൃഷ്ണനാ(നന്ദു-22)ണ് എറണാകുളം മെഡിക്കല് ട്രസ്റ്റ് ആശുപത്രിയില് തലയ്ക്ക് ഗുരുതരമായ പരുക്കകളോടെ വെന്റിലേറ്ററില് കഴിയുന്നത്.
കഴിഞ്ഞ 29ന് രാത്രി ദേശീയപാതയില് കരിലക്കുളങ്ങരയിലായിരുന്നു അപകടം. ഉണ്ണിക്കൃഷ്ണന് ഓടിച്ച ബൈക്ക് നിയന്ത്രണംവിട്ട് മതിലിലിടിക്കുകയായിരുന്നു.
ഇതിനോടകം ചികിത്സക്ക് മൂന്ന് ലക്ഷം രൂപ ചെലവായതായി കുടുംബാംഗങ്ങള് പറയുന്നു. ഉണ്ണിക്കൃഷ്ണന്റെ പിതാവ് കൂലിപ്പണിക്കാരനാണ്. അടിയന്തര ശസ്ത്രക്രിയകളടക്കം തുടര് ചികിത്സക്കായി ആറുലക്ഷത്തോളം രൂപ ആവശ്യമാണ്. ഇതിനായാണ് ഈ കുടുംബവും ഉണ്ണിക്കൃഷ്ണന്റെ സുഹൃത്തുക്കളും സഹായം തേടുന്നത്.
സഹായം നല്കാന് ആഗ്രഹിക്കുന്നവര്ക്ക് ഉണ്ണികൃഷ്ണന്റെ മാതാവ് ഉഷാ കുമാരിയുടെ പേരില് എസ്ബിടി ആലപ്പുഴ കൈചൂണ്ടി ശാഖയിലെ 33500526371 അക്കൗണ്ട് നമ്പറിലേക്ക് പണം അയ്ക്കാവുന്നതാണ്. ഐഎഫ്എസ്സി കോഡ് എസ്ബിഐഎന് 0012873.
പ്രതികരിക്കാൻ ഇവിടെ എഴുതുക: