എരുമേലി: എരുമേലി ശ്രീധര്മ്മശാസ്താ ക്ഷേത്രത്തില് താഴ്മണ്മഠം തന്ത്രി ബ്രഹ്മശ്രീ കണ്ഠരര് രാജീവരുടെ മുഖ്യകാര്മ്മികത്വത്തില് 9,10 തീയതികളില് സഹസ്രകലശാഭിഷേകം നടക്കും. 9ന് ദീപാരാധനക്ക് ശേഷം പുഷ്പാഭിഷേകം, ആചാര്യവരണം, ജലദ്രോണി പൂജ, കുംഭേശ കര്ക്കരി പൂജ, ബ്രഹ്മകലശപൂജ, പരികലശപൂജ, അധിവാസപൂജ, അധിവാസം, 10ന് ക്ഷേത്രപൂജയ്ക്ക് ശേഷം അധിവാസത്തിങ്കല് ഉഷപൂജ, കളഭപൂജ, മരപ്പാണി, കലശാലങ്കാര പ്രദക്ഷിണം, കലശാഭിഷേകം, കളഭാഭിഷേകം എന്നിവ നടക്കും.
എരുമേലി ക്ഷേത്രത്തില് ആദ്യമായാണ് ഇത്തരത്തിലൊരു പൂജ നടക്കുന്നത്. സഹസ്രകലശപൂജ ദര്ശനത്തിലൂടെ കീര്ത്തി, ആയുസ്, ബുദ്ധി, ഐശ്വര്യം, ബലം, പാപഹാനി, പുണ്യവൃദ്ധി, മുതലായ ഫലങ്ങള് നേടാനാകുമെന്നും ക്ഷേത്രം മേല്ശാന്തി ജയരാജ് നമ്പൂതിരി പറഞ്ഞു. ചടങ്ങുകള്ക്ക് ദേവസ്വം അഡ്മിനിസ്ട്രേറ്റീവ് ഓഫീസര് പി.എന് ശ്രീകുമാര്, ക്ഷേത്രം മേല്ശാന്തി ജയരാജ് നമ്പൂതിരി എന്നിവര് നേതൃത്വം നല്കും.
