കാഞ്ഞാര്: പ്രധാന പാതയോരത്തെ ദിശാബോര്ഡുകള് മിക്കതും വൃക്ഷ ശിഖരങ്ങളാല് മറഞ്ഞിട്ടും അധികൃതര് നടപടി സ്വീകരിക്കുന്നില്ല. വിനോദ സഞ്ചാരത്തിനായി നിരവധിപ്പേര് കടന്നു പോകുന്ന പാതയോരത്തെ ദിശാബോര്ഡുകളാണ് വൃക്ഷ ശിഖരങ്ങള് മൂടി കാണാതായത്.
മഴക്കാല സീസണ് ആരംഭിച്ചതോടെ മഴക്കാല ടൂറിസം ആസ്വദിക്കുവാന് നിരവധി പേരാണ് ഇടുക്കി വാഗമണ് ഭാഗത്തേക്ക് എത്തുന്നത്. ദൂരെ സ്ഥലങ്ങളില് നിന്നും എത്തുന്നവര് വഴിയറിയാതെ കറങ്ങുന്നത് സ്ഥിരം കാഴ്ചയാണ്. വാഗമണ് ഭാഗത്തേക്ക് പോകുന്നവര്ക്കാണ് കൂടുതലും വഴിതെറ്റുന്നത്. ഭൂരിഭാഗം സൂചനാ ബോര്ഡുകളും വൃക്ഷ ശിഖരവും കാടും കയറി മറഞ്ഞ നിലയിലാണ്.
മറഞ്ഞിരിക്കുന്ന സൂചനാ ബോര്ഡുകള് തടസങ്ങള് മാറ്റി ശരിയാം വിധം കാണുവാന് കഴിയുന്ന വിധത്തിലാക്കണമെന്ന് നാട്ടുകാര് ആവശ്യപ്പെട്ടു.
