ബെംഗളൂരു: കന്നഡ സിനിമാ ഇതിഹാസം ഡോ. രാജ്കുമാറിന്റെ ഭാര്യയും ചലച്ചിത്ര നിര്മാതാവുമായ പാര്വതമ്മ രാജ്കുമാര് (78) അന്തരിച്ചു. ബെംഗളൂരുവിലെ എം എസ് രാമയ്യ ആശുപത്രിയില് ഇന്ന്പുലര്ച്ചെ നാലരയോടെ ഹൃദയാഘാതത്തെതുടര്ന്നായിരുന്നു അന്ത്യം.
മക്കളായ രാഘവേന്ദ്ര രാജ്കുമാര്, ശിവരാജ്കുമാര്, പുനിത് രാജ്കുമാര് എന്നിവര് അന്ത്യസമയത്ത് പര്വതയമ്മയ്ക്ക് ഒപ്പം ഉണ്ടായിരുന്നു. അര്ബുദരോഗ ബാധിതയായിരുന്നു പര്വതയമ്മ. കരളിനെയും ശ്വാസകോശത്തെയും അര്ബുദം ഗുരുതരമായി ബാധിച്ചിരുന്നു. പര്വതയമ്മയുടെ ആഗ്രഹപ്രകാരം അവരുടെ കണ്ണുകള് ദാനം ചെയ്തു. 2006ല് രാജ്കുമാര് അന്തരിച്ചിരുന്നു. അദ്ദേഹവും കണ്ണുകള് ദാനം ചെയ്തിരുന്നു.
വൈകിട്ട് ആറര മണിക്ക് ഖണ്ഡീവര സ്റ്റുഡിയോയില് രാജ്കുമാരിനെ സംസ്കരിച്ചതിന് സമീപത്തായി പര്വതയമ്മയെയും സംസ്കരിക്കുമെന്ന് അടുത്ത ബന്ധുക്കള് അറിയിച്ചു. എണ്പതോളം സിനിമകള് പര്വതയമ്മ നിര്മിച്ചിട്ടുണ്ട്. പ്രേമ, രമ്യ, മാലാശ്രീ, രക്ഷിത, സുധാറാണി, ആശാറാണി തുടങ്ങി നിരവധി നായികമാരെ കന്നഡ സിനിമയ്ക്ക് സംഭാവന ചെയ്ത വ്യക്തി കൂടിയാണ് പര്വതയമ്മ.
വെറുമൊരു സൂപ്പര് സ്റ്റാര് ഭാര്യ മാത്രമായിരുന്നില്ല കന്നഡ സിനിമയ്ക്ക് പാര്വതമ്മ രാജ്കുമാര്.
