കണ്ണൂര്: കണ്ണൂര് ജില്ലാ സഹകരണ ബേങ്കില് അക്കൗണ്ട് ഉള്ളവര്ക്ക് ഇവരുടെ അക്കൗണ്ട് സ്റ്റേറ്റ് മെന്റ് ഇനിമുതല് ബേങ്കില് രജിസ്റ്റര് ചെയ്തിട്ടുള്ള ഇ-മെയില് വിലാസത്തില് ലഭ്യമാകും. പദ്ധതിയുടെ ഉദ്ഘാടനം ബേങ്ക് അഡ്മിനിസ്ട്രേറ്റര് കെ.കെ.സുരേഷ് നിര്വ്വഹിച്ചു.
ബേങ്കില് അക്കൗണ്ടുള്ള പ്രാഥമിക സഹകരണ ബേങ്കുകള്, ഇതര സംഘങ്ങള് എന്നിവര്ക്ക് എല്ലാ ദിവസവും വൈകിട്ട് മുഴുവന് ഇടപാടുകളെക്കുറിച്ചുമുള്ള വിവരങ്ങള് നല്കും. വ്യക്തിഗത അക്കൗണ്ടുകളുള്ളവര്ക്ക് എല്ലാ മാസവും അവസാന ദിവസമാണ് സ്റ്റേറ്റ്മെന്റ്നല്കുക. ഇതിലൂടെ ബാങ്കിലെത്തി പാസ്ബുക്കില് പ്രിന്റെടുക്കുക എന്നത് ഒഴിവാക്കാന് കഴിയും. ഈ സ്റ്റേറ്റ്മെന്റ് മറ്റ് ബാങ്കിഗ് ഇടപാടുകള്ക്ക് ഉപയോഗിക്കാനും കഴിയും. പ്രാഥമിക സഹകരണ ബാങ്കുകള്ക്കാണ് ഇത് ഏറെ ഉപകാരപ്രദമാകുക. പ്രാഥമിക സഹകണ ബേങ്കുകളുടെ നിരവധി കാലത്തെ ആവശ്യമാണ് ഇത്.
ആധുനിക ബേങ്കിങ് സൗകര്യങ്ങള് ഇടപാടുകാര്ക്ക് എത്രയും പെട്ടെന്ന് നല്കുക എന്ന ലക്ഷ്യത്തോടെയാണ് സംവിധാനം പ്രാവര്ത്തികമാക്കിയത്. ഉദ്ഘാടന ചടങ്ങില് ജനറല് മാനേജര്-ഇന്-ചാര്ജ്ജ് എ.കെ.പുരുഷോത്തമന് അധ്യക്ഷനായി. വി.കെ.പുരുഷോത്തമന് (ഡെപ്യൂട്ടി രജസ്ട്രാര്-ഭരണം), പ്ലാനിങ് അസിസ്റ്റന്റ് രജിസ്ട്രാര് ദിനേശ് ബാബു എന്നിവര് സംസാരിച്ചു. ഐ.ടി.സീനിയര് മാനേജര് കെ.എം.ബാബുരാജന് സ്വാഗതവും, സീനിയര് മാനേജര് കെ.എം.റീന നന്ദിയും പറഞ്ഞു.
അക്കൗണ്ട് ഉടമകള്ക്ക് ഓണ്ലൈന് സ്റ്റേറ്റ്മെന്റ് ഇ-മെയിലില് നല്കുന്നതിന്റെ ഉദ്ഘാടനം കണ്ണൂര് ജില്ലാ സഹരണ ബേങ്ക് അഡ്മിനിസ്ട്രേറ്റര് കെ.കെ.സുരേഷ് നിര്വ്വഹിക്കുന്നു
