കണ്ണൂര്: കേരള എന്ജിഒ സംഘ് കണ്ണൂര് ജില്ലാ സമിതിയുടെ ആഭിമുഖ്യത്തില് കുടുംബ സംഗമവും വനിതാ പ്രവര്ത്തക കണ്വെന്ഷനും, വിരമിക്കുന്ന ജീവനക്കാര്ക്കുള്ള യാത്രയയപ്പും സംഘടിപ്പിച്ചു. എന്ജഒ സംഘ് ജില്ലാ പ്രസിഡിണ്ട് കെ.ഒ.ജയകൃഷ്ണന് അധ്യക്ഷത വഹിച്ചു. ഭാരതീയ മസ്ദൂര് സംഘ് കണ്ണൂര് ജില്ലാ അധ്യക്ഷന് അഡ്വ.കെ.പി.സുരേഷ്കുമാര് പരിപാടി ഉദ്ഘാടനം ചെയ്തു.
രാഷ്ട്രീയ സ്വംയസേവകസംഘം പ്രാന്തീയ കുടുംബ പ്രബോധകന് പ്രമുഖ് എം.മുകുന്ദന്മാസ്റ്റര് മുഖ്യ പ്രഭാഷണം നടത്തി. ആധുനിക കാലഘട്ടത്തില് കുടുംബാംഗങ്ങളുടെ ഒത്തുചേരല് പോലും വീടുകളില് വിരളമായതാണ് കുടുംബങ്ങളില് ഇന്നുള്ള പ്രശ്നങ്ങള്ക്ക് കാരണം എന്ന് അദ്ദേഹം പറഞ്ഞു. കേരളത്തില് ഇന്ന് ആത്മഹത്യയും വിവാഹമോചനവും ഏറിവരികയാണ്. കുടുംബത്തിലെ അംഗങ്ങള് ഒന്നിച്ചിരുന്ന് അഭിപ്രായങ്ങള് പറയുവാനും പങ്കുവെക്കുവാനും എല്ലാവരും തയ്യാറാവണം. ഇത് ഇന്ന് നമ്മുടെ വീടുകളില് അന്യമായിക്കൊണ്ടിരിക്കുകയാണ്. എന്ന് അദ്ദേഹം ചൂണ്ടിക്കാട്ടി.
ദേശീയ അധ്യാപക പരിഷത്ത് സംസ്ഥാന സമിതി അംഗം എം.ടി.സുരേഷ്കുമാര്, കേരള സ്റ്റേറ്റ് പെന്ഷനേഴ്സ് സംഘ് കണ്ണൂര് ജില്ലാ അധ്യക്ഷന് സി.സി.രവീന്ദ്രന് മാസ്റ്റര് തുടങ്ങിയവര് സംസാരിച്ചു. തുടര്ന്ന് സര്വ്വീസില്നിന്നും വിരമിക്കുന്ന പി.പി.മോഹന് ബാബു (വാണിജ്യ നികുതി വകുപ്പ് ഡെപ്യൂട്ടി കമ്മീഷണര്, കോഴിക്കോട്), വി.പി.മുരളീധരന് (ഡെപ്യൂട്ടി കലക്ടര്, കണ്ണൂര്), പി.രാധാകൃഷ്ണന് (അസി.ലേബര് ഓഫീസര്, തലശ്ശേരി) എന്നിവര്ക്ക് യാത്രയയപ്പ് നല്കി. രാഷ്ട്രീയ സ്വയംസേവക സംഘം പ്രാന്തീയ സഹസമ്പര്ക്ക പ്രമുഖ് പി.പി.സുരേഷ് ബാബു ഉപഹാരം നല്കി.
ചടങ്ങില് സംസ്ഥാന സര്ക്കാറിന്റെ ഗ്രീന്പ്രോട്ടോക്കോള് അവാര്ഡ് നേടിയ ശുചിത്വമിഷന് മുന് കണ്ണൂര് ജില്ലാ കോഡിനേറ്റര് ഇ.മോഹനനെയും സംഘടനയിലെ അംഗങ്ങളുടെ മക്കളില് ഉന്നത വിജയം നേടിയവരെയും അനുമോദിച്ചു.
രാഷ്ട്രീയ സ്വയംസേവക സംഘം പ്രാന്തീയ സഹസമ്പര്ക്ക പ്രമുഖ് പി.പി.സുരേഷ് ബാബു, എന്.ജിഒ.സംഘ് സംസ്ഥാന വൈസ് പ്രസിഡണ്ട് എ.ടി.മധുസൂദനന്, എന്ജിഒ സംഘ് ജില്ലാ വനിതാ സബ്കമ്മറ്റി കണ്വീനര് എന്.പി.പത്മിനി തുടങ്ങിയവര് സംസാരിച്ചു. കുട്ടികള് അവതരിപ്പിച്ച കലാപരിപാടികളും ഉണ്ടായിരുന്നു. എന്ജിഒ സംഘ് കണ്ണൂര് ജില്ലാ സെക്രട്ടറി സജീവന് ചാത്തോത്ത് സ്വാഗതവും, ജില്ലാ ട്രഷറര് എം.രാജീവന് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: