കണ്ണൂര്: അഹിംസാ പരമോധര്മ്മമെന്ന് മന്ത്രിച്ച ഗാന്ധിജിയുടെ ശിഷ്യരെന്ന് സ്വയം അഭിമാനിക്കുന്ന കോണ്ഗ്രസ്സുകാര് കന്നുകാലിയെ പരസ്യമായി വെട്ടിക്കൊന്നുകൊണ്ട് സമരം നടത്തിയത് ഗാന്ധിജിക്ക് തന്നെ അപമാനകരമായ നടപടിയാണെന്നും ഇത്തരത്തില് സമരം നടത്തിയവര്ക്കെതിരെ ശക്തമായ നിയമനടപടികള് സ്വീകരിക്കണമെന്നും ഹിന്ദു ഐക്യവേദി ജില്ലാ പ്രസിഡണ്ട് വി.മണിവര്ണ്ണന് ആവശ്യപ്പെട്ടു. ഇത്തരം പ്രീണന സമരങ്ങളാണ് കോണ്ഗ്രസ്സ് പാര്ട്ടിയെ ഇന്നത്തെ ഈ നിലക്കെത്തിച്ചത്. മനുഷ്യരെ കൊല്ലുന്ന കമ്മ്യൂണിസ്റ്റ് പ്രസ്ഥാനങ്ങളുടെ സാധുമൃഗങ്ങളോടുള്ള സമീപനം മനസ്സിലാക്കാവുന്നതാണ്. എന്നാല് കോണ്ഗ്രസ്സിന്റെ ഇത്തരത്തിലുള്ള സമീപനം തികച്ചും ദുഷ്ടലാക്കോടെയുള്ളതാണ്. മതപ്രീണനമാണ് ഇതിന് പിന്നിലുള്ളത്. സാധുമൃത്തെ പരസ്യമായി കശാപ്പ് ചെയ്ത സംഭവത്തില് ശക്തമായ നടപടികള് സ്വീകരിക്കണമെന്നും ഇത്തരത്തിലുള്ള നടപടികള് ആവര്ത്തിക്കാതിരിക്കാന് ജില്ലാ ഭരണകൂടം വേണ്ട നടപടികള് സ്വീകരിക്കണമെന്നും മണിവര്ണ്ണന് ആവശ്യപ്പെട്ടു.
ഗാന്ധി ശിഷ്യര് കണ്ണൂരില് നടത്തിയത് ഗാന്ധിജിയെത്തന്നെ അപമാനിച്ച നടപടി: ഹിന്ദു ഐക്യവേദി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.