കുറ്റിപ്പുറം: ലഹരിക്ക് പുതിയ മാര്ഗ്ഗം തേടി യുവാക്കള്. സാധാരണ കണ്ടുവരാറുളള കഞ്ചാവും മറ്റു മയക്കുമരുന്നുകളില് നിന്നും വ്യത്യസ്തമായി ഇപ്പോള് ചില പ്രത്യേകതരം ഗുളികകളിലാണ് യുവാക്കള് ലഹരി കണ്ടെത്തുന്നത്.
എക്സൈസിന് ലഭിച്ച രഹസ്യവിവരത്തിന്റെ അടിസ്ഥാനത്തില് നടത്തിയ പരിശോധനയില് തിരൂര് തൃക്കണ്ടിയൂര് സ്വദേശി ഷാഹുല് ഹമീദ്(21) തിരൂര് ആഴൂര് സ്വദേശി അജിത്(22) എന്നിവര് പിടിയിലായി.
മയക്കുമരുന്ന് വിഭാഗത്തില്പ്പെടുന്ന നിരവധി ഗുളികകളും ഇവരില് നിന്ന് പിടികൂടിയിട്ടുണ്ട്. മംഗലാപുരത്തു നിന്നുമാണ് ഗുളികകള് തങ്ങള്ക്ക് ലഭിക്കുന്നതെന്ന് പ്രതികള് മൊഴി നല്കി.
കുറ്റിപ്പുറത്തും പരിസരങ്ങളിലും നിരവധി വിദ്യാര്ത്ഥികള് ഇത്തരത്തില് ലഹരി ഉപയോഗിക്കുന്നതായും അവരെ നിരീക്ഷിച്ച് വരികയാണെന്നും എക്സൈസ് പറഞ്ഞു. പത്ത് ഗുളികകള്ക്ക് 40 രൂപയാണ് വിലയെങ്കിലും അതിന്റെ പത്തിരട്ടിക്കാണ് വില്ക്കുന്നത്.
പ്രതികളെ തിരൂര് കോടതിയില് ഹാജരാക്കി. പ്രിവന്റീവ് ഓഫീസര്മാരായ രവീന്ദ്രനാഥ്, രാജേഷ്, സിവില് എക്സൈസ് ഓഫീസര്മാരായ ലതീഷ്, ഹംസ എന്നിവര് അന്വേഷണ സംഘത്തിലുണ്ടായിരുന്നു.
