പിലാത്തറ: നാല് പതിറ്റാണ്ടിന്റെ ഓര്മ്മകള് പങ്കുവെച്ച് സഹപാഠികള് ഒത്തുകൂടി. കുഞ്ഞിമംഗലം ഗവ: ഹയര് സെക്കണ്ടറി സ്കൂള് 1974-1975 എസ്എസ്എല്സി ബാച്ച് പൂര്വ്വ വിദ്യാര്ത്ഥി സംഗമത്തിലാണ് നാല്പ്പതാണ്ടിന് ശേഷം പഴയകാല കൂട്ടുകാര് സ്കൂള് അങ്കണത്തില് അണിനിരന്നത്. ജീവിത യാത്രയില് വിവിധ തുറകളില് സേവനമനുഷ്ഠിച്ച് വിരമിച്ചവരും തൊഴില് ചെയ്യുന്നവരുമായി 170 പേര് പങ്കെടുത്തു.
പഞ്ചായത്ത് മെമ്പര് യു.ഭാസ്കരന് ഉദ്ഘാടനം ചെയ്തു. ഡോ:പി.പി.കൃഷ്ണന് അധ്യക്ഷത വഹിച്ചു. പഞ്ചായത്ത് മെമ്പര് പി.വി.ശ്യാമള, പ്രധമാധ്യാപകന് പി.അബ്ദുള്ള, ടി.ബാലന്, കെ.രമണി എന്നിവര് സംസാരിച്ചു.
പഴയകാല ഗുരുനാഥന്മാരെ ആദരിച്ചുകൊണ്ട് നടന്ന ഗുരുവന്ദനത്തില് കെ.വി.രവിനാഥ് അധ്യക്ഷത വഹിച്ചു. ടി.വി.വേണുഗോപാല്, ടി.കെ.ദേവകി അന്തര്ജനം എന്നിവര് സംസാരിച്ചു. സുഹൃദസദസില് കെ.വി.ജനാര്ദ്ദനന് അധ്യക്ഷത വഹിച്ചു. വെദിരമന വിഷ്ണുനമ്പൂതിരി ,വത്സന് പിലിക്കോട്, കെ.ടി.വിജയന് എന്നിവര് സംസാരിച്ചു. സമാപന സദസില് പി.കെ.വിശാലാക്ഷി അധ്യക്ഷത വഹിച്ചു. എം.ഗോവിന്ദന്, ടി.രാഘവന് എന്നിവര് സംസാരിച്ചു.പത്ത് എ മുതല് ഇ വരെയുള്ള പഴയ ക്ലാസ്സുകളുടെ പുനരാവിഷ്കാരം നടന്നു. സ്നേഹ വിരുന്ന്, കലാപരി പരിപാടികള് എന്നിവയുണ്ടായി.
