കാസര്കോട്: പട്ടികജാതി വികസന വകുപ്പിന്റെ ആഭിമുഖ്യത്തില് കാഞ്ഞങ്ങാട് ബ്ലോക്ക് പഞ്ചായത്തിന് കീഴില് ബങ്കളം ആണ്കുട്ടികളുടെ പ്രീമെട്രിക് ഹോസ്റ്റലിലും കാഞ്ഞങ്ങാട് നഗരസഭയ്ക്ക് കീഴില് ചെമ്മട്ടംവയലില് പെണ്കുട്ടികളുടെ പ്രീമെട്രിക് ഹോസ്റ്റലിലും ഛ്യൂഷന് ട്യൂട്ടര് നിയമനത്തിന് അപേക്ഷ ക്ഷണിച്ചു.
ഹൈസ്കൂള് ക്ലാസ്സുകളില് കണക്ക്, ഫിസിക്കല് സയന്സ്, നാച്വറല് സയന്സ്, ഹിന്ദി, ഇംഗ്ലീഷ്, സോഷ്യല് സയന്സ് എന്നീ വിഷയങ്ങളിലും അപ്പര് പ്രൈമറി വിഭാഗത്തില് അഞ്ച് ആറ് ഏഴ് ക്ലാസുകളിലും വിദ്യാര്ത്ഥികള്ക്ക് ട്യൂഷന് നല്കുന്നതിന് ട്യൂട്ടര്മാരായി നിയമിക്കപ്പെടുന്നതിന് അപേക്ഷ ക്ഷണിച്ചു.
ഹൈസ്കൂള് ക്ലാസ്സുകളിലെ ട്യൂട്ടര്മാര് അതത് വിഷയത്തില് ബി എഡ് യോഗ്യതയും അപ്പര് പ്രൈമറി ക്ലാസ്സുകളിലെ ട്യൂട്ടര്മാര്ക്ക് ഡി എഡ് (ടി ടി സി) യോഗ്യതയും ഉളളവരായിരിക്കണം. ട്യൂട്ടര്മാര്ക്ക് ഹൈസ്കൂള് ക്ലാസ്സുകളില് പ്രതിമാസം 4000 രൂപ നിരക്കിലും അപ്പര് പ്രൈമറി ക്ലാസ്സുകളില് പ്രതിമാസം 3000 രൂപ നിരക്കിലും ഓണറേറിയം ലഭിക്കം.
അപേക്ഷകര് വിശദ വിവരങ്ങളടങ്ങിയ ബയോഡാറ്റ തയ്യാറാക്കി വിദ്യാഭ്യാസ യോഗ്യത, മുന് പരിചയം എന്നിവ തെളിയിക്കുന്നതിനുളള സര്ട്ടിഫിക്കറ്റുകളുടെ പകര്പ്പ് സഹിതം 31 നകം കാഞ്ഞങ്ങാട് ബ്ലോക്ക് പട്ടികജാതി വികസന ഓഫീസില് അപേക്ഷ നല്കണം.
