അങ്കമാലി: കൂലി വര്ദ്ധിപ്പിക്കണമെന്ന് ആവശ്യപ്പെട്ട് അങ്കമാലിയിലെ സ്വകാര്യബസ്സ്് തൊഴിലാളികള് വ്യാഴാഴ്ച മുതല് അനിശ്ചിതകാല പണിമുടക്ക് ആരംഭിക്കുമെന്ന് യൂണിയന് ഭാരവാഹികള് അറിയിച്ചു.
സേവനവേതന വ്യവസ്ഥകള് പുതുക്കി നിശ്ചയിക്കണമെന്നാവശ്യപ്പെട്ട് ജില്ലാ ലേബര് ഓഫീസര് വിളിച്ചുചേര്ത്ത ചര്ച്ച പരാജയപ്പെട്ടതോടെയാണ് അങ്കമാലി-കാലടി-അത്താണി-കൊരട്ടി മേഖലയിലെ പ്രൈവറ്റ് ബസ്സ് ജീവനക്കാര് അനിശ്ചിതകാലത്തേയ്ക്ക് പണിമുടക്ക് നടത്തുന്നത്. 2015 ജനുവരി മുതല് സര്ക്കാര് നിശ്ചയിച്ച പ്രകാരമുള്ള വേതനവര്ദ്ധന ഈ മേഖലയില് നടപ്പിലാക്കണമെന്നാണ് ജീവനക്കാരുടെ ആവശ്യം. ഒരു ബസ്സിലെ മൂന്ന് ജീവനക്കാര്ക്കും കൂടി 100 രൂപയുടെ വര്ദ്ധനയാണ് ബസ്സുടമ സംഘടനകള് നല്കാന് തയ്യാറായത്.
മറ്റ് മേഖലയിലെ ജീവനക്കാര്ക്ക് നല്ല രീതിയില് വേതനം ലഭിക്കുമ്പോള് ഈ മേഖലയില് 12-14 മണിക്കൂര് ജോലി ചെയ്യുന്ന ജീവനക്കാര്ക്ക് ഡ്രൈവര്ക്ക് 800, കണ്ടക്ടര്ക്ക് 625, ഡോര് ചെക്കര്ക്ക് 530 എന്നിങ്ങനെയാണ്.
ഫെയര് വേജസ് പ്രകാരം ഡ്രൈവര്ക്ക് 1027, കണ്ടക്ടര്ക്ക് 1008, ഡോര് ചെക്കര്ക്ക് 989 എന്നിങ്ങനെ ലഭിക്കേണ്ടത്.
ജില്ലാ ലേബര് വിളിച്ചു ചേര്ത്ത ചര്ച്ചയില് പി.ടി പോള്, സി.കെ. ഉണ്ണികൃഷ്ണന്, പി.ജെ. വര്ഗ്ഗീസ്, അഡ്വ. വി.എന്. സുഭാഷ്, കെ.പി. പോളി, സി..എ.ജോസ്, പി.കെ. പൗലോസ്, എം.എസ്. ദീലീപ്, കെ.എസ്. ബിനോജ്, അജി, ടി.കെ. സുരേഷ്, എന്. ജിനിമോന്, ഡേവീസ് എന്നിവര് പങ്കെടുത്തു.
