പത്തനംതിട്ട: വിവിധ ആവശ്യങ്ങള് ഉന്നയിച്ച് പശ്ചിമഘട്ട സംരക്ഷണ സമിതിയുടെ കളക്ട്രേറ്റ് മാര്ച്ച് സംസ്ഥന കണ്വീനര് എസ്. ബാബുജി ഉദ്ഘാടനം ചെയ്യും.സുപ്രീം കോടതിവിധി ലംഘിച്ച് പരിസ്ഥിതി ആഘാത പഠനം നടത്താതെ പ്രവര്ത്തിക്കുന്ന ഏറത്തു പഞ്ചായത്തിലെ പുലിമല, കന്നിമല, കിളിവയല്, ഏനാദിമംഗലം പഞ്ചായത്തിലെ തോട്ടപ്പാലമടക്കമുള്ള ജില്ലയിലെ ക്വാറികള് ഉടന് അടച്ചു പൂട്ടണമെന്ന് പശ്ചിമഘട്ട സംരക്ഷണ സമിതി ആവശ്യപ്പെട്ടു. ജനകീയ പ്രതിഷേധത്തെ തുടര്ന്ന് മൂന്ന് വര്ഷക്കാലമായി അടഞ്ഞുകിടക്കുന്ന കടമ്പനാട്പഞ്ചായത്തിലെ കന്നിമല ക്വാറിയും സമീപത്തെ മറ്റ് ഏഴ് സര്വ്വേ നമ്പരുകളില്പ്പെട്ട ഭൂമികളില് റവന്യൂ ജിയോളജി ഉദ്യോഗസ്ഥരെ സ്വാധീനിച്ച് ക്വാറി തുടങ്ങാനുള്ള നീക്കം ഉപേക്ഷിക്കണം. തണ്ണീര്ത്തട നിയമത്തില് ഇളവു വരുത്താനുള്ള സര്ക്കാര് നീക്കം ഉപേക്ഷിക്കണം. മൂന്നാര് ഒഴിപ്പിക്കല് നടപടി വേഗത്തിലാക്കുക, ഗാഡ്ഗില് കമ്മറ്റിറിപ്പോര്ട്ട് അടിയന്തിരമായി നടപ്പിലാക്കുക എന്നീ ആവശ്യങ്ങളും സമിതി ഉന്നയിച്ചു. ഗാന്ധി പ്രതിമയ്ക്കു മുന്നില് നിന്നുമാണ് കളക്ട്രേറ്റ് മാര്ച്ച് തുടങ്ങുക.
പശ്ചിമഘട്ട സംരക്ഷണ സമിതിയുടെ കളക്ട്രേറ്റ് മാര്ച്ച്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.