രാജപുരം: ഗള്ഫില് വാഹനപകടത്തില് പരിക്കേറ്റ അതീവ ഗുരുതരാവസ്ഥയില് കഴിയുന്ന കള്ളാറിലെ അര്ച്ചനയുടെ ചികില്സാ സഹായത്തിനായി ധന സ്വരൂപണത്തിന് സംഗീത യാത്ര ഒരുക്കുന്നു.
കാഞ്ഞങ്ങാട്ടെ ദേവഗീതം ഓര്ക്കസ്ട്ര, ഗ്രാന്മാ ചുള്ളിക്കര, സി സി ലൈറ്റ് ആന്ഡ് സൗണ്ട് ഒടയംചാല് എന്നിവയുടെ സംയുക്താഭിമുഖ്യത്തിലാണ് സംഗീത യാത്ര ഒരുക്കുന്നത്. 13 ന് രാവിലെ മാവുങ്കാലില് നിന്നും ആരംഭിക്കുന്ന സംഗീതാര്ച്ചന വിവിധ സ്ഥലങ്ങളിലെ സ്വീകരണത്തിന് ശേഷം വൈകീട്ട് പാണത്തൂരില് സമാപിക്കും.
ഈ യാത്രയില് സ്വരൂപിക്കുന്ന തുക അര്ച്ചനയുടെ ചികിത്സാഫണ്ടിലേക്ക് നല്കും. അമ്പലത്തറ, ഇരിയ ഒടയംചാല്, ചുള്ളിക്കര, രാജപുരം, കള്ളാര്, കോളിച്ചാല്, പനത്തടി, ബളാംതോട് എന്നിവിടങ്ങളിലാണ് സംഗീത യാത്ര സംഗീതാര്ച്ചന അര്പ്പിക്കുക. അതാത് പ്രദേശങ്ങളിലെ ക്ലബുകള്, സന്നദ്ധ സാംസ്കാരിക സംഘടനകള്, വ്യാപാരി സംഘടനകള് എന്നിവരാണ് സംഗീത യാത്രയ്ക്ക് സ്വീകരണ മൊരുക്കുക. ഓരോ കേന്ദ്രങ്ങളിലും അര മണിക്കൂര് വീതം ഗാനാലാപനം നടത്തും.
സിന്ഡിക്കേറ്റ് ബാങ്കിന്റെ ചുള്ളിക്കര ബ്രാഞ്ചില് 47022200084 988 ഐഫ്എസ്സിസി എസ്വൈ എന്ബി 0004702 നമ്പറില് അക്കൗണ്ട് തുടങ്ങിയിട്ടുണ്ട്.
