കോട്ടയം: കാസര്ഗോഡു മുതല് തിരുവനന്തപുരം വരെ നടത്തുന്ന ബസവേശ്വര സന്ദേശ നവോത്ഥാനയാത്രയ്ക്ക് ബിജെപിയും വിവിധ ഹൈന്ദവസംഘടനകളും ചേര്ന്ന് തിരുനക്കരയില് സ്വീകരണം നല്കി.
സമത്വചിന്തയിലൂന്നിയ നവോത്ഥാന നായകനായിരുന്ന ബസവേശ്വരന്റെ വീക്ഷണങ്ങളും തത്വങ്ങളും പ്രചരിപ്പിക്കുക എന്നതാണ് യാത്രയുടെ ലക്ഷ്യം. 13 ന് കാസര്ഗോഡുനിന്നാരംഭിച്ച യാത്ര വിവിധ ജില്ലകളിലൂടെ കടന്ന് ഇന്നലെ വൈകിട്ട് 3 ന് കോട്ടയത്തെത്തിച്ചേര്ന്നു. 21 ന് തിരുവനന്തപുരത്ത് യാത്ര സമാപിക്കും. അണ്ണാഹസാരെ മുഖ്യാതിഥിയായിരിക്കും.
കോട്ടയത്തെത്തിച്ചേര്ന്ന യാത്രയ്ക്ക് ബിജെപി നിയോജകമണ്ഡലം പ്രിസിഡന്റ് ബിനു ആര്. വാര്യര്, ജില്ലാ കമ്മറ്റിയംഗം കുടമാളൂര് രാധാകൃഷ്ണന്, ന്യൂനപക്ഷമോര്ച്ച ജില്ലാ സെക്രട്ടറി നാസര് റാവുത്തര്, കെ.ഡി. സന്തോഷ്കുമാര്, മോഹനന് (ബിഎംഎസ്), ഹിന്ദുഐക്യവേദി ജില്ലാ സെക്രട്ടറി ആശാ അജികുമാര്, താലൂക്ക് പ്രസിഡന്റ് ഗീതാരവി, സുരേഷ്, മഹിളാഐക്യവേദി ജില്ലാ പ്രസിഡന്റ് ശാന്തമ്മ കേശവന് എന്നിവര് ചേര്ന്ന് സ്വീകരിച്ചു.
തിരുനക്കര ശിവപാര്വ്വതി ഓഡിറ്റോറിയത്തില് നടന്ന സമ്മേളനത്തില് മനോജ് അധ്യക്ഷതവഹിച്ചു. ശിവരുദ്രമഹാസ്വാമി ബെംഗളുരു അനുഗ്രഹപ്രഭാഷണം നടത്തി. സിദ്ധലിംഗസ്വാമി കൃഷ്ണഗിരി, അരവിന്ദ് ജത്തി ബെംഗളുരു, ഡോ. സുരേഷ് മൂക്കന്നൂര്, കെ. പ്രസന്നകുമാര്, അനീഷ് എം. പിള്ള, വിജയന്, ബാബുരാജ്, രാധാകൃഷ്ണന് പ്രസംഗിച്ചു.
