തെലുങ്കിലും, മലയാളത്തിലും നിര്മ്മിക്കുന്ന, പ്രശസ്ത തെലുങ്കു സംവിധായകനായ രാജേഷ് ടച്ച്റിവറിന്റെ പ്രത്യായം എന്ന സിനിമയില് മലയാളത്തിന്റെ സ്വഭാവ നടന് സിദ്ദിഖ് പ്രധാന കഥാപാത്രത്തെ അവതരിപ്പിക്കും. മലയാളത്തില് സിനിമയുടെ പേര് ‘എന്റെ’ എന്നാണ്. സിദ്ദിഖിന്റെ ആദ്യ തെലുങ്കു സിനിമയാണ് പ്രത്യായം.
അച്ഛനും മകളും തമ്മിലുള്ള സ്നേഹം എല്ലാ ആര്ദ്രതകളോടെയും അവതരിപ്പിക്കുന്നതാണ് സിനിമയുടെ പ്രമേയം. സംഗീതമാണ് സിനിമയുടെ മറ്റൊരു ഹൈലൈറ്റ്. ശരതും, ശാന്തനു മോയിത്രയുമാണ് എട്ടു പാട്ടുകളുള്ള സിനിമയുടെ സംഗീത സംവിധായകര്.
എ.ഡേ.ഇന് ദല്ഹി എന്ന സിനിമയുടെ പ്രധാന കഥാപാത്രമായിരുന്ന അന്ജലി പാട്ടീലാണ് സിദ്ധിക്കിന്റെ മകളായി അഭിനയിക്കുന്നത്. മറ്റൊരു പ്രധാന കഥാപാത്രത്തെ അവതരിപ്പിക്കുന്ന നീനാ കുറുപ്പും ആദ്യമായി അഭിനയിക്കുന്ന തെലുങ്കു സിനിമയാണ് പ്രത്യായം. തെലുങ്ക്, തമിഴ്, മലയാളം തുടങ്ങിയ ഭാഷകളില് നിന്നുള്ള നടീ നടന്മാര് ചിത്രത്തില് അണിനിരക്കും.
