പാനൂര്: വാഗ്ഭടാനന്ദ ഗുരുവിന് ദക്ഷിണയായി പത്തായക്കുന്നില് പത്തരമാറ്റോടെ ഒരു വായനശാല. ഗുരുദേവവിലാസം വായനശാല ആന്റ്് ഗ്രന്ഥാലയത്തിന്റെ 81-ാം വാര്ഷികാഘോഷം ഇന്നു നടക്കുമ്പോള് പുതുക്കി പണിത മനോഹര കെട്ടിടമൊരുക്കിയാണ് ഭാരവാഹികള് മാതൃക കാട്ടിയത്. ജന്മനാട്ടില് വാഗ്ഭടാനന്ദ ഗുരുദേവനു ഉചിതമായ സ്മാരകമായി ഈ ഗ്രന്ഥാലയമായി മാറിയിരിക്കുന്നു. 1936ല് വായനശാലയുടെ പ്രവര്ത്തനം ആരംഭിച്ചെങ്കിലും 1940ല് കെട്ടിട നിര്മ്മാണം തുടങ്ങി.
വി.കെ.കെ.ഗുരുക്കള്, എ.സി.കുഞ്ഞമ്പു, എം.ഗോപാലന്, എ.പി.ചാത്തുക്കുട്ടി, എം.എം. ഗോപാലന് തുടങ്ങിയ പാട്യം മേഖലയിലെ സാംസ്ക്കാരിക പ്രവര്ത്തകരാണ് വായനശാല ആരംഭിക്കാന് മുന്നണിയിലുണ്ടായിരുന്നത്. ജീര്ണ്ണാവസ്ഥയില് കെട്ടിടം അപകടാവസ്ഥയിലായതോടെ 2016ല് നാട്ടുകാരുടെ നേതൃത്വത്തില് യോഗം ചേര്ന്ന് കെട്ടിടം പുതുക്കി പണിയാന് തീരുമാനിക്കുകയായിരുന്നു. ഓട് പാകിയ മേല്കൂര അതേ രീതിയില് നിലനിറുത്തുകയും, ചുമരുകള്ക്ക് പുതുതായി പ്ലാസ്റ്ററിംഗ് നടത്തുകയും ചെയ്തു. 15 ലക്ഷം രൂപ ചിലവായി.
ലൈബ്രറി, വായനമൂല, സ്റ്റേജ് എന്നിവ പുതുക്കി പണിയാന് ഇനിയും പണം ആവശ്യമുണ്ട്. ഒരു നാടിന്റെ സാംസ്ക്കാരിക ഭൂമികയ്ക്ക് തിലകകുറിയായി മാറിയ ഈ അറിവിന്റെ അക്ഷയകേന്ദ്രം നിരവധി അമൂല്യഗ്രന്ഥങ്ങളുടെ സൂക്ഷിപ്പുകാരനുമാണ്. എ.കെ. വിജയന് പ്രസിഡണ്ടും, വിപി. ഷാജി മാസ്റ്റര് സെക്രട്ടറിയുമായ കമ്മറ്റിയാണ് നിലവില് ഇവിടെ പ്രവര്ത്തിക്കുന്നത്. ഇന്ന് വൈകിട്ട് 6ന്് നടക്കുന്ന വാര്ഷികാഘോഷ പരിപാടി സിനിമാസംവിധായകന് അലിഅക്ബര് ഉദ്ഘാടനം ചെയ്യും. സാഹിത്യകാരി പി.വത്സല പ്രഭാഷണം നടത്തും. കലാപരിപാടികളും അരങ്ങേറും.
