മുത്താരമ്മന്‍ കോവിലില്‍ അഷ്ഠബന്ധ കലശം

രാമപുരം: മുത്താരമ്മന്‍ കോവിലില്‍ ദേവപ്രശ്‌ന പരിഹാര ക്രിയകളുടെ ഭാഗമായുള്ള അഷ്ടബന്ധകലശത്തിന് ഇന്ന് തുടക്കമാകും. തന്ത്രി കുരുപ്പക്കാട്ട് ഇല്ലത്ത് നാരാണന്‍ നമ്പൂതിരി മുഖ്യകാര്‍മ്മികത്വം വഹിക്കും. രാവിലെ 6മുതല്‍ 10.20വരെ ആചാര്യവരണം, ഗണപതിഹോമം, ത്രികാല പൂജ, മൃത്യുജ്ഞയ ഹോമം, ആഘോരഹോമം, തൃഷ്ടുപ്‌ഹോമം. നാളെ രാവിലെ ആറുമുതല്‍ അഷ്ടദ്രവ്യ ഗണപതിഹോമം, ആവാഹനം, തിലഹോമം, വൈകുന്നേരം 5.30മുതല്‍ പ്രസാദ ശുദ്ധിക്രിയകള്‍, അസ്ത്രകലശ പൂജ, വാസ്തു ബലി, സ്ഥലശുദ്ധി, 6ന് രാവിലെ ബിംബശുദ്ധി കലശപൂജകള്‍, സപ്തദശദ്രവ്യ കലശപൂജ, വൈകുന്നേരം 5.30മുതല്‍ അധിവാസഹോമം, കലശാധിവാസം, 7ന് അഷ്ടബന്ധ കലശം, രാവിലെ ആറുമുതല്‍ ഉപദേവന്‍മാര്‍ക്ക് കലശപൂജകള്‍, കലശാഭിഷേകങ്ങള്‍, മരപാണി, അഷ്ടബന്ധ സ്ഥാപനം, ബ്രഹ്മകലശാഭിഷേകം, പരികലശാഭിഷേകം തുടര്‍ന്ന് പ്രസാദമൂട്ട് എന്നിവ നടക്കും.