കൊച്ചി: നഗരത്തില്നിന്ന് അരകിലോ കഞ്ചാവുമായി യുവാവ് ഷാഡോ പോലീസിന്റെ പിടിയിലായി. വൈപ്പിന് തെക്കന്മാലിപ്പുറം സ്വദേശി അനൂപ്(19) ആണ് പോലീസ് പിടിയിലായത്.
വിദ്യാര്ത്ഥികള്ക്ക് കഞ്ചാവ് എത്തിച്ചുകൊടുക്കുന്ന മാഫിയക്കെതിരെ ഷാഡോ പോലിസിന്റെ പ്രവര്ത്തനഫലമായി കഴിഞ്ഞ മൂന്ന് ദിവസങ്ങള്ക്കുള്ളില് അഞ്ചോളം കേസുകളാണ് റിപ്പോര്ട്ട് ചെയ്തത്. എറണാകുളം ടൗണ് നോര്ത്ത് എസ്ഐ വിപിന്ദാസിന്റെ നേത്രത്വത്തിലാണ് പ്രതിയെ അറസ്റ്റുചെയ്തത്.
ഷാഡോ അഡീഷണല് എസ്ഐ നിത്യാനന്ദപൈ, സിവില് പോലീസ് ഓഫീസര്മാരായ സാനു, യൂസഫ്, ഷൈമോന്, രാഹുല്, സുനില് എന്നിവര് സംഘത്തിലുണ്ടായിരുന്നു.
ആലുവ: നിരോധിത പുകയില ഉത്പ്പന്നങ്ങള് വില്പ്പന നടത്തിയ കടയുടമയെ അറസ്റ്റ് ചെയ്തു. പടിഞ്ഞാറെ കടുങ്ങല്ലൂര് ഭാഗത്ത് ശ്രീലക്ഷ്മി സ്റ്റോഴ്സ് ഉടമ പ്ലാവിന്ചുവട് തടത്തില്പറമ്പില് വിജയനാണ് അറസ്റ്റിലായത്. കടയില് നിന്നും 1402 പായ്ക്കറ്റ് ഹാന്സ് പിടികൂടി.
നിരോധിത പുകയില ഉല്പ്പന്നങ്ങള് അനധികൃതമായി വില്പ്പന നടത്തുന്നതായി ജില്ല പൊലീസ് മേധാവി എ.വി. ജോര്ജ്ജിന് ലഭിച്ച രഹസ്യ വിവരത്തെ തുടര്ന്നായിരുന്നു പരിശോധന.
