കണ്ണൂര്: നിവാസികളുടെ ക്ഷേമത്തിന് മുന്തൂക്കം നല്കി ആര്ഭാടങ്ങള് ഒഴിവാക്കി ലളിതമായ ഉദ്ഘാടന ചടങ്ങ് സംഘടിപ്പിച്ച് പൊടിക്കുണ്ട് രാജേന്ദ്രപ്രസാദ് റസിഡന്റ് അസോസിയേഷന് ശ്രദ്ധാകേന്ദ്രമായി. സ്വന്തം വീട്ടുവരാന്ത പരിപാടിയുടെ സ്റ്റേജായും മുറ്റം സമ്മേളന സ്ഥലമായും വിട്ടുകൊടുക്കാന് വിന്സന്റ് ജോസഫും പത്നി നീതാ വിന്സെന്റും തയ്യാറായതോടെയാണ് ഉദ്ഘാടനവേദി ലളിതമാക്കാന് സംഘാടകര്ക്ക് പ്രചോദനം ലഭിച്ചത്. അറിയാവുന്ന ഫോട്ടോഷോപ്പ് വിവരം വച്ച് ഉണ്ടാക്കിയ ലോഗോയും നോട്ടീസും കടലാസില് തീര്ത്ത ബാനറും ട്രഷറര് കൊയ്ലി പ്രഭാകരന്റെ ശ്രമഫലം. പ്രദേശവാസികളുടെ മുന്നില് മേന്മ അവകാശപ്പെടാന് താല്പര്യമില്ലാത്തതിനാല് ഭാരവാഹികള് ബാഡ്ജ് വേണ്ടെന്ന് വച്ചു. ചായയും കഴിക്കാന് കല്ത്തപ്പവും വീട്ടമ്മമാരുടെ വക. ഗ്ലാസ് സംഭാവനയായി നല്കാന് മുന്നോട്ടവന്നത് മറ്റു ഇരുപത് വീട്ടമ്മമാര്. സൗണ്ട് സിസ്റ്റവും ലൈറ്റും അസോസിയേഷന് അംഗത്തിന്റെ ഇരിക്കാനള്ള250 കസേരമാത്രം വാടകക്കെടുത്തപ്പോള് ഏറ്റവും ലളിതമായ ചടങ്ങായി. ഉദ്ഘാടകനായി പ്രദേശവാസിയായ പ്രശസ്ത കഥാകൃത്ത് ടി പത്മനാഭന് കൂടിയെത്തിയതോടെ എല്ലാ അര്ത്ഥത്തിലും ഒരു സൗഹൃദകൂട്ടായ്മ. മാലിന്യത്തിന്റെ ഒരു തരി പോലും അവശേഷിപ്പിക്കാതെ സമ്മേളനം കഴിഞ്ഞപ്പോള് സമ്പൂര്ണ്ണ ഗ്രീന് പ്രോട്ടോ കോളിന് മുഖ്യാതിഥി മേയര് ഇ.പി.ലതയുടെ അഭിനന്ദനം.
ചടങ്ങില് കോര്പ്പറേഷന് മേയര് കുമാരി ഇ.പി.ലത മുഖ്യാതിഥിയായി. കൗണ്സിലര്മാരായ അഡ്വ.ടി.ഒ.മോഹനന്, ടി.രവീന്ദ്രന് ജില്ലാ റസിഡന്റ് അസോസിയേഷന് ഭാരവാഹികളായ സി.പി.ദാമോദരന്, ആര്.അനില് കുമാര് എന്നിവര് സംസാരിച്ചു. ടി.വി.ഗോപാലകൃഷ്ണന്, കെ.ബാലചന്ദ്രന്, വിന്സെന്റ് ജോസഫ്, കെ,രമേഷ്, ഇ.വി.വിജയകുമാര്, വി.പി.പ്രവീണ്, ഇ.പി.സുനില് കുമാര്, പ്രഭാകരന് കൊയിലി, സന്ധ്യാ സുനില്, പ്രിയ ഗംഗാധരന് ,അരുണ പ്രവീണ് എന്നിവരാണ് അസോസിയേഷന് പ്രവര്ത്തനങ്ങള്ക്ക് നേതൃത്വം നല്കുന്നത്.
