കൂത്തുപറമ്പ്: കൂത്തുപറമ്പില് നടന്ന അമൃതകലാക്ഷേത്ര സപ്ത സാരകള്ച്ചറല് മിഷന്റെ മൂന്നാമത് വാര്ഷികമായ ‘അമൃതകലശം-2017’ നിത്യോത്സവം സമാപിച്ചു. പരിപാടിയുടെ ഭാഗമായി നടന്ന ചിത്രരചനാ മത്സരം കേരള ലളിതകലാ അക്കാദമി സെക്രട്ടറി പൊന്ന്യം ചന്ദ്രന് ഉദ്ഘാടനം ചെയ്തു. കൂത്തുപറമ്പ് മാറോളിഘട്ടില് നടന്ന സമ്മേളനം പത്മശ്രീ ഗുരു ചേമഞ്ചേരി കുഞ്ഞിരാമന് നായര് ഉദ്ഘാടനം ചെയ്തു. കലാമണ്ഡലം ലീലാമണി ടീച്ചര്ക്ക് അമൃതവര്ഷിണി പുരസ്കാരം ഗുരു ചേമഞ്ചേരി സമര്പ്പിച്ചു. ചടങ്ങില് പ്രമുഖരായ 108 അമ്മമാരെ 108 വിളക്ക് തെളിയിച്ച് സെറ്റും മുണ്ടും നല്കി അമൃതകലാ വിദ്യാര്ത്ഥിനികള് പാദപൂജ ചെയ്ത് ആദരിച്ചു. മുന് വനിതാ കമ്മീഷന് അദ്ധ്യക്ഷ ജസ്റ്റിസ് ഡി. ശ്രീദേവി വിളക്ക് തെളിയിച്ചു. യുവകലാപ്രതിഭകളായ നസീര് കൂത്തുപറമ്പ്, വിനീഷ് കൂത്തുപറമ്പ്, പ്രിജേഷ് ബാബു (തങ്കു), നിക്ഷാദ്, മജിലേഷ്, രവി ഗുരിക്കള് കൈതേരി തുടങ്ങിയവരേയും ആദരിച്ചു. കലാമണ്ഡലം ലീലാമണി ടീച്ചര്ക്കുള്ള ആദരവായി ശിഷ്യയും പ്രമുഖ നര്ത്തകിയുമായ ജീജി രാജേഷും ശിഷ്യരും ചേര്ന്നൊരുക്കിയ ലാസ്യ ലീലാലയം നടന്നു. കലാമണ്ഡലം ലീലാമണി ടീച്ചര് അനുഗ്രഹ ഭാഷണം നടത്തി. സുനില് മാങ്ങാട്ടിടം അദ്ധ്യക്ഷത വഹിച്ചു.
സപ്തസ്വര കള്ച്ചറല് മിഷന് വാര്ഷികാഘോഷം സമാപിച്ചു
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.