ഇരിട്ടി : മലയോര മേഖലയില് യുവാക്കളെ ആകര്ഷിച്ചു ബിജെപിയുടെ മുന്നേറ്റം. ഇതിന്റെ പ്രകടമായ ലക്ഷണമാണ് കഴിഞ്ഞ ദിവസം ഉളിക്കലില് കാണാനായത്. പഞ്ചായത്തിന്റെ വിവിധ ഭാഗങ്ങളില് നിന്നായി സിപിഎം, കോണ്ഗ്രസ്, കേരളാ കോണ്ഗ്രസ് എന്നീ പാര്ട്ടികളില് നിന്നും മുപ്പതോളം പ്രവര്ത്തകരാണ് ബിജെപി അംഗത്വമെടുത്ത് പാര്ട്ടി മെമ്പര്മാരായത്. ഇവര് എല്ലാവരും നാല്പ്പതു വയസ്സിനു താഴെയുള്ള യുവാക്കള് ആണ് എന്നതാണ് ശ്രദ്ധേയം.
രണ്ടാഴ്ച മുന്പാണ് അയ്യങ്കുന്ന് പഞ്ചായത്തിലെ വാണിയപ്പാറയില് നിന്നും നിരവധി ന്യൂനപക്ഷ വിഭാഗത്തില് പെട്ടവരടക്കം ബിജെപി അംഗത്വമെടുത്ത് പാര്ട്ടിയുടെ ഭാഗമായത്. ഉളിക്കല് ടൗണില് ചേര്ന്ന പൊതുയോഗത്തില് ബിജെപി സംസ്ഥാന ജനറല് സിക്രട്ടറി വി.കെ.സജീവന് ഇവരെ ഷാള് അണിയിച്ചു പാര്ട്ടിയിലേക്ക് സ്വീകരിച്ചു. നിരവധി അമ്മമാര് അടക്കമുള്ളവരാണ് ചടങ്ങു വീക്ഷിക്കാന് ഇവിടെ എത്തിച്ചേര്ന്നത്.
സിപിഎം പാര്ട്ടി മെമ്പര്മാരായ കെ.കെ.രാജേഷ്, പി.ആര്.സജീഷ്, വി.കെ.ശ്രീജേഷ്, വി.കെ.ശ്രീജിത്ത്, കെ.ജി.ശ്രീജിത്ത്, പി.ആര്.അഖില്, പി.ബി.സന്തോഷ്, പി.ജി.രാജേന്ദ്രന്, എന്. ശ്യാം, ഒ.ആര്. ജയേഷ്, പ്രവീണ് അഗസ്റ്റിന്, ശ്രീസണ്, പി.ജിനേഷ്, പി.സനൂപ് കുമാര്, അനൂപ് വിജയന്, എം. എസ്. ദിലീപ്കുമാര്, പി.കെ.രാജേഷ്, ബിനു മണിക്കടവ്, ഗോകുല് മണിക്കടവ്, ലക്ഷ്മണന് എന്നിവരും കോണ്ഗ്രസ് പാര്ട്ടി മെമ്പര്മാരായ പി.വി.വിജേഷ്,കെ.എസ്. അജിത്ത്, ഇ.സന്തോഷ്, കെ.ബാബു, കെ.ജി.ദിനേശ്, കെ.പി.അനീഷ്, ജോസഫ് നുച്ചിയാട്, ലിനേഷ്, കേരളാകോണ്ഗ്രസ് മാണി വിഭാഗം പ്രവര്ത്തകന് ഇ.സി.രനിത്ത് എന്നിവരുമാണ് ബിജെപിയില് ചേര്ന്നിരിക്കുന്നത്.
ഇതില് സിപിഎമ്മിന്റെ മുന് ബ്രാഞ്ച് സെക്രട്ടറിമാര് , കോണ്ഗ്രസ്സിന്റെ മുന് ബൂത്ത് പ്രസിഡണ്ടുമാര് എന്നിവരും ഉള്പ്പെട്ടിട്ടുണ്ട്. ഇനിയും ഉളിക്കല് പഞ്ചായത്തിന്റെ വിവിധ ഭാഗങ്ങളില് നിന്നും മുപ്പതോളം പേര് ബിജെപിയില് ചേരാന് സന്നദ്ധത പ്രകടിപ്പിച്ചതായാണ് അറിയുന്നത്.
