പത്തനംതിട്ട: അടുത്തവര്ഷം നടക്കുന്ന നിയമസഭാ തെരഞ്ഞെടുപ്പിന്റെ സെമിഫൈനലാണ് ഇപ്പോഴത്തെ ത്രിതല പഞ്ചായത്ത് തെരഞ്ഞെടുപ്പെന്ന് ബിജെപി ദേശീയ സെക്രട്ടറി എച്ച്.രാജ പറഞ്ഞു.
ജില്ലാ കമ്മിറ്റിയുടെ ആഭിമുഖ്യത്തില് നടത്തിയ സ്ഥാനാര്ത്ഥി സംഗമം ഉദ്ഘാടനം ചെയ്തുസംസാരിക്കുകയായിരുന്നു അദ്ദേഹം. നിയമസഭാ തെരഞ്ഞെടുപ്പോടെ സിപിഎം കോണ്ഗ്രസ് മുക്തകേരളമാണ് ലക്ഷ്യം. അരുവിക്കര ഉപതെരഞ്ഞെടുപ്പ് ബിജെപി സംസ്ഥാനത്ത് നേടിയ വളര്ച്ചയുടെ സൂചകമാണ്. ഇടതുപക്ഷവും വലതുപക്ഷവും മാറിമാറി ഭരിച്ചു മുടിക്കുകയായിരുന്നു കേരളത്തെ. ഈ സ്ഥിതിയില് ഇതില് നിന്നൊരു മാറ്റം ആവശ്യമാണ്. ജനങ്ങള് അതാഗ്രഹിക്കുന്നു. ബിജെപി എന്ഡിഎ മുന്നണി രൂപീകരിച്ച് പ്രവര്ത്തിക്കുന്നത് ഈ ആഗ്രഹ സാഫല്യത്തിനാണെന്നും അദ്ദേഹം പറഞ്ഞു.
കേന്ദ്രത്തിലെ നരേന്ദ്രമോദി സര്ക്കാരിന്റെ ഭരണനേട്ടം മാത്രം മതി എന്ഡിഎ സ്ഥാനാര്ത്ഥികള്ക്ക് തെരഞ്ഞെടുപ്പില് നേട്ടം കൊയ്യാനെന്ന് ആര്എസ്പി(ബി) സംസ്ഥാന സെക്രട്ടറി ഏ.വി.താമരാക്ഷന് പറഞ്ഞു. പതിനഞ്ചുമാസം കൊണ്ട് ലോകം ആദരിക്കുന്ന നേതാവായി നരേന്ദ്രമോദി മാറിയിരിക്കുന്നു. എന്റെ കുടുംബം എന്റെ രാജ്യമാണെന്ന് ചിന്തിക്കുന്ന പ്രധാനമന്ത്രിയാണ് ഇപ്പോഴുള്ളത്. അതേ സമയം നാടിനോട് ഒട്ടും ആത്മാര്ത്ഥതയില്ലാത്ത നാടിനെ കൊള്ളയടിക്കാന് മാത്രം താല്പര്യമുള്ളവരാണ് ഇടതുവലതു മുന്നണികള്. എന്ഡിഎ സഖ്യത്തിന്റെ ശക്തി തിരിച്ചറിഞ്ഞതാണ് നേതാക്കളെ ഒറ്റതിരിഞ്ഞ് ഇരു മുന്നണികളും വേട്ടയാടുന്നതെന്നും അദ്ദേഹം പറഞ്ഞു.
നരേന്ദ്രമോദിസര്ക്കാര് പാവപ്പെട്ടവര്ക്ക് ഒരുപാട് ആനൂകൂല്യങ്ങള് നല്കിയിട്ടുണ്ടെന്ന് കേരളാ കോണ്ഗ്രസ് ചെയര്മാന് പി.സി.തോമസ് പറഞ്ഞു. റബര്കര്ഷകര്ക്ക് ഇന്ഷുറന്സ് പരിരക്ഷ നല്കുന്നതടക്കമുള്ള കാര്യങ്ങള് കേന്ദ്രസര്ക്കാരിന്റെ പരിഗണനയിലാണ്. റബര്കര്ഷകരെ സഹായിക്കാന് റബറിന്റെ ഇറക്കുമതി ചുങ്കം 25 ശതമാനമായി വര്ദ്ധിപ്പിച്ചതും എന്ഡിഎ സര്ക്കാരാണ്. കേരളത്തിന്റെ റോഡ് വികസനത്തിന് മുപ്പത്തിനാലായിരം കോടി രൂപ നല്കാന് സന്നദ്ധമായ നരേന്ദ്രമോദി സര്ക്കാര് വികസനത്തിന് രാഷ്ട്രീയമില്ല എന്ന് തെളിയിച്ചതായും അദ്ദേഹം പറഞ്ഞു.
സംസ്ഥാനത്ത് മത ന്യൂനപക്ഷങ്ങളുടെ വോട്ടുസമാഹരിക്കാന് ഇടതുവലതു മുന്നണികള് മത്സരിക്കുകയാണെന്ന് ബിജെപി സംസ്ഥാന വൈസ് പ്രസിഡന്റ് എം.ടി.രമേശ് പറഞ്ഞു. വനിതാ സംവരണം ആവശ്യമില്ലെന്ന് പറഞ്ഞ് സ്ത്രീവിരുദ്ധ പരാമര്ശം നടത്തിയ കാന്തപുരത്തിനെ സിപിഎമ്മും കോണ്ഗ്രസും വിമര്ശിക്കുന്നില്ല. നാടിന്റെ വികസനം ഉയര്ത്തിയാണ് ബിജെപി തെരഞ്ഞെടുപ്പിനെ നേരിടുന്നതെന്നും അദ്ദേഹം പറഞ്ഞു.
ജില്ലാപ്രസിഡന്റ് റ്റി.ആര്.അജിത്കുമാര് അദ്ധ്യക്ഷത വഹിച്ചു. ദേശീയനിര്വാഹകസമിതിയംഗം വി.എന്.ഉണ്ണി,സംസ്ഥാനസെക്രട്ടറി ഏ.ജി.ഉണ്ണികൃഷ്ണന്,ജില്ലാഭാരവാഹികളായ വി.എ.സൂരജ്, വി.എസ്.ഹരീഷ്ചന്ദ്രന്,പ്രസാദ്എന്ഭാസ്ക്കരന്,കെ.കെ.ശശി,വിജയകുമാര് മണിപ്പുഴ,പി.കെ.ഗോപാലകൃഷ്ണന്,മിനിഹരികുമാര്, വി.ജി.മാത്യു,ലോക്ജനശക്തി ജില്ലസെക്രട്ടറി അജീഷ്തുടങ്ങിയവര് പങ്കെടുത്തു.
