കൊച്ചി: ജനങ്ങളുടെ പരാതികള്ക്ക് പരിഹാരം കാണുന്നതിനുള്ള താലൂക്ക് തല ജനസമ്പര്ക്ക പരിപാടി ‘പരിഹാരം-17’ 27ന് പറവൂരില് തുടങ്ങും. മറ്റ് താലൂക്കുകളിലും പരിഹാരം 2017 സംഘടിപ്പിക്കുമെന്ന് ജില്ലാ കളക്ടര് മുഹമ്മദ് വൈ സഫിറുള്ള അറിയിച്ചു.
അക്ഷയ കേന്ദ്രങ്ങള് ഓണ്ലൈനായി സ്വീകരിക്കുന്ന അപേക്ഷകളില് പരിഹാരിക്കാത്ത പരാതികള് ജില്ലാ കളക്ടറുടെ നേതൃത്വത്തില് വിവിധ വകുപ്പുകളുടെ ജില്ലാതല തലവന്മാര് പരിഹരിക്കുന്നത്. പറവൂര് താലൂക്കിലെ പരാതിക്കാര്ക്ക് ഏപ്രില് 12 വരെ അക്ഷയ കേന്ദ്രങ്ങള് വഴി പരാതികള് സമര്പ്പിക്കാനാകും. അപേക്ഷകള് താലൂക്ക് തലത്തില് കൈകാര്യം ചെയ്യുന്നതിന് പ്രത്യേക സെല് രൂപീകരിച്ചിട്ടുണ്ട്.
പരിഹാരം 2017മായി ബന്ധപ്പെട്ട് ഉദ്യോഗസ്ഥര്ക്കും അക്ഷയ കേന്ദ്രം മാനേജര്മാര്ക്കുമുള്ള പരിശീലന പരിപാടിയും പൂര്ത്തിയായി. മുഖ്യമന്ത്രിയുടെ ദുരിതാശ്വാസ ഫണ്ടില് നിന്നുള്ള ധനസഹായം, ബിപിഎല് റേഷന് കാര്ഡിലേക്കുള്ള മാറ്റം എന്നിവയ്ക്കുള്ള അപേക്ഷകള് പരിഹാരം 2017ല് പരിഗണിക്കില്ല. ഏപ്രില് 12 വരെ അപേക്ഷ സമര്പ്പിക്കാന് കഴിയാത്തവര്ക്ക് അവരവരുടെ താലൂക്കില് നടത്തുന്ന ജനസമ്പര്ക്ക പരിപാടിയില് അവ നല്കാം. വില്ലേജ് ഓഫീസിലോ താലൂക്ക് ഓഫീസിലോ തീര്ക്കേണ്ട വിഷയങ്ങള് അവിടങ്ങളില്ത്തന്നെ തീര്പ്പാക്കണമെന്ന് നിര്ദേശിച്ചിട്ടുണ്ട്. ഒരു അപേക്ഷകന് ഒരു കാര്യത്തിന്റെ പേരില് പലതവണ ഓഫീസുകള് കയറി ഇറങ്ങേണ്ട സ്ഥിതി ഒഴിവാക്കുകയാണ് ലക്ഷ്യമെന്നും കളക്ടര് പറഞ്ഞു.
