മലപ്പുറം: കള്ളത്തരങ്ങള് കൊണ്ട് മണിമാളിക തീര്ത്ത ഇടതുവലത് മുന്നണികളെ ജനങ്ങള് തൂത്തെറിഞ്ഞു കഴിഞ്ഞു. ഇതിന് ഉത്തമ ഉദാഹരണമാണ് എന്ഡിഎ സ്ഥാനാര്ത്ഥി അഡ്വ.എന്.ശ്രീപ്രകാശിന് ലഭിക്കുന്ന ജനപിന്തുണ. ഇന്നലെ മലപ്പുറം മണ്ഡലത്തിലായിരുന്നു പര്യടനം. ഓരോ കേന്ദ്രങ്ങളിലും ആവേശം നിറഞ്ഞ സ്വീകരണമാണ് വോട്ടര്മാര് നല്കിയത്. രാജ്യത്ത് അഴിമതിരഹിത ഭരണം കാഴ്ചവെക്കുന്ന നരേന്ദ്രമോദി സര്ക്കാരിന് ശക്തിപകരാന് ശ്രീപ്രകാശ് വിജയിക്കണമെന്ന് ഓരോ സമ്മതിദായകനും പറയുന്നു.
ജില്ലാ ആസ്ഥാനത്ത് സ്ഥാനാര്ത്ഥി നടത്തിയ റോഡ് ഷോയില് ജനങ്ങളുടെ ആവേശം പ്രതിഫലിച്ചു. മലപ്പുറം കുന്നുമ്മലിലായിരുന്നു ആദ്യസ്വീകരണം. തുടര്ന്ന് കോട്ടപ്പടിയിലും സ്വീകരണം നല്കി. വാദ്യമേളങ്ങളുടെ അകമ്പടിയോടെ നൂറുകണക്കിന് ആളുകള് പങ്കെടുത്ത റോഡ് ഷോ മലപ്പുറം നഗരത്തെ കുങ്കുമഹരിത നിറത്തിലാറാടിച്ചു.
ബിജെപി സംസ്ഥാന നേതാക്കളായ വി.മുരളീധരന്, പി.കെ.കൃഷ്ണദാസ്, അഡ്വ.പി.എസ്.ശ്രീധരന് പിള്ള, സി.കെ.പത്മനാഭന്, കെ.സുരേന്ദ്രന്, എം.ടി.രമേശ് എന്നിവര് ഇന്നലെ വള്ളിക്കുന്ന്, കൊണ്ടോട്ടി, മലപ്പുറം, മങ്കട, പെരിന്തല്മണ്ണ, വള്ളിക്കുന്ന് നിയോജക മണ്ഡലങ്ങളിലെ തെരഞ്ഞെടുപ്പ് പ്രചരണ പരിപാടികളില് പങ്കെടുത്തു.
