പള്ളുരുത്തി: തെച്ചിക്കോട്ട്കാവ് രാമചന്ദ്രന് എന്ന ആനയെ എഴുന്നള്ളിപ്പിന് നിരോധിച്ച ജില്ലാ കമ്മിറ്റിയുടെ തീരുമാനത്തില് പ്രതിഷേധം. മട്ടാഞ്ചേരി തുണ്ടിപ്പറമ്പ് ശ്രീ ഗോപാലകൃഷ്ണ ക്ഷേത്രത്തില് ഉല്സവത്തിന്റെ ഭാഗമായി ഇന്നലെ എഴുന്നള്ളിക്കാനിരിക്കെയാണ് ഒരു കാരണവുമില്ലാതെ നിരോധനം ഏര്പ്പെടുത്തിയതെന്ന് ക്ഷേത്ര ഭാരവാഹികള് ആരോപിച്ചു.
ജില്ലയില് മാത്രമാണ് ആനക്ക് ഇത്തരം നടപടികള് ഉണ്ടാകുന്നത്. ക്ഷേത്രാചാരങ്ങളെ തടസ്സപ്പെടുന്ന രീതിയിലാണ് മോണിറ്ററിംഗ് കമ്മിറ്റി തീരുമാനമെടുത്തതെന്നും ഭാരവാഹികള് പറഞ്ഞു. ആനലോബികളുടെ പ്രേരണ മൂലം കാര്യങ്ങള് മനസ്സിലാക്കാതെയാണ് അധികൃതര് പ്രവര്ത്തിക്കുന്നത്.
ആനയെ നിരോധിക്കാന് പാടില്ലെന്ന ഹൈക്കോടതി വിധിയുടെ ലംഘനമാണ് നടന്നതെന്നും ഇത്തരം പ്രവര്ത്തികള് പ്രതിഷേധാര്ഹമാണെന്നും സെക്രട്ടറി എസ്.മഹേന്ദ്രന് പറഞ്ഞു.
