ഇടുക്കി: രണ്ട് മാസത്തിനിടെ ജില്ലയില് എസ്എഫ്ഐ നേതൃത്വത്തില് നടന്നത് ആറോളം ആക്രമണങ്ങള്. തൊടുപുഴ, മുട്ടം, മൂലമറ്റം, കുമളി എന്നിവിടങ്ങളിലായാണ് എസ്എഫ്ഐയുടെ കുട്ടിഗുണ്ടകള് അഴിഞ്ഞാടിയത്..
ജനുവരി 20ന് മുട്ടം പോളീടെക്നിക്കില് നടന്ന ആക്രമണത്തില് പോലീസ് ജീപ്പും കോളേജിലെ കസേരകളും അടിച്ച് തകര്ത്തു. സംഭവത്തില് രണ്ട് പോലീസുകാര്ക്ക് പരിക്ക് പറ്റിയെങ്കിലും ഇവരെ പിന്നീട് സ്ഥലംമാറ്റുകയാണ് ഉണ്ടായത്. മൂലമറ്റം സെന്റ് ജോസഫ് കോളജില് ഫെബ്രുവരി 2ന് എസ്എഫ്ഐ- കെഎസ്യു പ്രവര്ത്തകര് ചേരിതിരിഞ്ഞ് നടത്തിയ ആക്രമണത്തില് നിരവധിപേര്ക്കാണ് പരിക്ക് പറ്റിയത്. കാറിന്റെ ചില്ല് തല്ലിത്തകര്ക്കുകയും നിരവധി എതിര്പാര്ട്ടി പ്രവര്ത്തകരെ സംഭവത്തില് ആക്രമിക്കുകയും ചെയ്തു. ഇതേ ദിവസം തന്നെയാണ് മുട്ടം പോളീടെക്നിക്ക് കോളേജില് സംഘര്ഷത്തെ തുടര്ന്ന് സസ്പെന്ഷന് കിട്ടിയ എസ്എഫ്ഐ നേതാവ് ആത്മഹത്യ നാടകം നടത്തിയത്.
പിറ്റേദിവസം കുമളി അമരാവതി ഗവ.സ്കൂളില് പ്ലസ് വണ് വിദ്യാര്ത്ഥിയെ എസ്എഫ്ഐ പ്രവര്ത്തകര് ക്രൂരമായി ആക്രമിച്ചിരുന്നു. ചെറുതോണി പോളീടെക്നിക്ക് കോളേജിലും എസ്എഫ്ഐ ആക്രമണം അഴിച്ച് വിട്ടിരുന്നു. പ്രിന്സിപ്പളിനെ അടക്കം തടഞ്ഞ് വെച്ചായിരുന്നു സമരം. തൊടുപുഴ കോഓപ്പറേറ്റീവ് ലോ ഓഫ് സ്കൂളിലും സസ്പെന്ഷന് നേരിട്ടതിനെ തുടര്ന്ന് വിദ്യാര്ത്ഥികള് സംഘടിച്ചെത്തി പ്രശ്നങ്ങള് ഉണ്ടാക്കിയിരുന്നു. അദ്ധ്യാപകരെ ഉള്പ്പെടെ ആക്രമിക്കാന് ശ്രമിച്ച കേസില് തൊടുപുഴ പോലീസ് ഇടപെട്ട് രണ്ട് പേരെ പിടികൂടുകയും പിന്നീട് എസ്എഫ്ഐ പ്രവര്ത്തകര് പോലീസ് സ്റ്റേഷന് തന്നെ ഉപരോധിക്കുകയും ചെയതു. എന്നാല് സംഭവത്തില് യാതൊരു നടപടിയും എടുക്കാന് ഉന്നത ഉദ്യോഗസ്ഥര് തയ്യാറായില്ല. അവസാനമായി ന്യൂമാന് കോളേജില് കോളേജ് ഡേയൊടനുബന്ധിച്ച് സംഘര്ഷമുണ്ടാക്കിയതിന് സസ്പെന്ഷനിലായ എസ്എഫ്ഐ പ്രവര്ത്തകരെ തിരിച്ചെടുക്കണമെന്നാശ്യപ്പെട്ടാണ് ആക്രമണം നടത്തിയത്. 30 പേര്ക്കെതിരെ കേസ് എടുത്തെങ്കിലും സംഭവത്തില് പോലീസ് നിഷ്ക്രിയമായാണ് പ്രവര്ത്തിച്ചത്.
ജില്ലയില് എസ്എഫ്ഐയുടെ ഗുണ്ടായിസം നാള്ക്കുനാള് പെരുകുമ്പോഴും ഇവരെ നിലയ്ക്ക് നിര്ത്താന് ഭരണ കക്ഷിയോ പോലീസോ യാതൊരു വിധ ഇടപെടലും നടത്തുന്നില്ല. സിപിഎമ്മിന്റെ പ്രദേശികഘടങ്ങളുടെ അടക്കം പപ
ിന്ബലത്തോടെയാണ് കുട്ടിസഖാക്കള് ക്യാമ്പസുകളില് അഴിഞ്ഞാടുന്നത്. തങ്ങള്ക്കെതിരെ വരുന്നവരെയെല്ലാം കൈക്കരുത്തിന്റെ ബലത്തില് തോല്പ്പിക്കുകയും അദ്ധ്യാപകരെ അടക്കം അസഭ്യം പറയുകയുമാണ് ഇവര് ചെയ്യുന്നത്. ആക്രമണങ്ങളിലെല്ലാം കേസ് എടുത്തെങ്കിലും പ്രതികളെ അറസ്റ്റ് ചെയ്യാന്പോലും കൃത്യസമയത്ത് പോലീസ് തയ്യാറാകാത്തത് മറ്റ് വിദ്യാര്ത്ഥികളുടെ അടക്കം വിദ്യാഭ്യാസത്തെ ബാധിക്കുകയാണ്.
