കൊല്ലം: ഏപ്രില് 11 മുതല് 21 വരെ കൊല്ലം ലാല് ബഹദൂര് ശാസ്ത്രി സ്റ്റേഡിയത്തില് നടക്കുന്ന ആര്മി റിക്രൂട്ട്മെന്റ് റാലിക്കായി ഓലൈനില് 25800 അപേക്ഷകള് ലഭിച്ചു. ഇതില് 9600പേര് കൊല്ലം ജില്ലക്കാരാണ്. എറണാകുളം, ഇടുക്കി, ആലപ്പുഴ, കോട്ടയം, പത്തനംതിട്ട, കൊല്ലം, തിരുവനന്തപുരം എന്നീ ജില്ലകളില് നിന്നുള്ളവര്ക്കായാണ് റിക്രൂട്ട്മെന്റ്റാലി നടത്തുന്നത്. വെബ്സൈറ്റില് നിന്നും ഡൗണ്ലോഡ് ചെയ്ത അഡ്മിറ്റ് കാര്ഡുമായി പുലര്ച്ചെ നാലിന് സ്റ്റേഡിയത്തില് എത്തണം. അധാര്കാര്ഡ് ഉള്ളവര് റിക്രൂട്ട്മെന്റിനു മുമ്പ് വിശദാംശങ്ങള് വെബ്സൈറ്റില് അപ്ലോഡ് ചെയ്യണം. ആധാര് കാര്ഡ് ഇല്ലാത്തവര്ക്കും പങ്കെടുക്കാം. റാലിയില് പങ്കെടുക്കുന്നതിന് പത്താം ക്ലാസ്, പ്ലസ് ടൂ, തത്തുല്യം സര്ട്ടിഫിക്കറ്റുകളുടെ അസല്, സാക്ഷ്യപ്പെടുത്തിയ പകര്പ്പ്, തഹസീല്ദാര് ഒപ്പിട്ട നേറ്റിവിറ്റി സര്ട്ടിഫിക്കറ്റ്, ജാതി സര്ട്ടിഫിക്കറ്റ്, ആധാര്കാര്ഡിന്റെയും പാന്കാര്ഡിന്റെയും പകര്പ്പ് എന്നിവയും ഹാജരാക്കണം. സൈനികരുടെയോ മുന് സൈനികരുടെയോ മക്കള് ബന്ധുത്വ സര്ട്ടിഫിക്കറ്റും പിതാവിന്റെ ഡിസ്ചാര്ജ്ജ് ബുക്കിന്റെ അസലും എന്സിസി കേഡറ്റുകള് എന്സിസി സര്ട്ടിഫിക്കറ്റിന്റെ അസല്, സാക്ഷ്യപ്പെടുത്തിയ പകര്പ്പ് കൊണ്ടുവരണം. കായികതാരങ്ങള് (ദേശീയ/സംസ്ഥാന/ജില്ല തലങ്ങളില് ആദ്യ രണ്ടു സ്ഥാനങ്ങള് നേടിയവര് മാത്രം) സ്പോര്ട്സ് സര്ട്ടിഫിക്കറ്റിന്റെ അസല്, സാക്ഷ്യപ്പെടുത്തിയ പകര്പ്പ് ഹാജരാക്കണം. സര്ട്ടിഫിക്കറ്റ് നല്കിയ സംഘടനയുടെ ഏറ്റവും പുതിയ വിലാസവും നല്കണം.
ആര്മി റിക്രൂട്ട്മെന്റ് റാലിക്ക് അപേക്ഷകള് 25800
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.