കണ്ണൂര്: പുതിയതെരുവില് സിപിഎം-എസ്ഡിപിഐ സംഘര്ഷത്തില് നിരവധി പേര്ക്ക് പരിക്ക്. ബുധനാഴ്ച രാത്രി പുതിയതെരു മാര്ക്കറ്റ് പള്ളി ജംഗ്ഷനില് വെച്ചാണ് സംഘര്ഷത്തിന് തുടക്കമായത്. സംഭവത്തില് സിപിഎമ്മുകാരനായ അര്ഷിദിനാണ്(25)വെട്ടേറ്റത്. ഇയാള് പരിയാരം മെഡിക്കല് കോളേജില് ചികിത്സയിലാണ്. സംഭവത്തെ തുടര്ന്നുണ്ടായ സംഘര്ഷത്തില് മൂന്ന് എസ്ഡിപിഐക്കാര്ക്ക് മര്ദ്ദനമേറ്റിരുന്നു. ഇവര് ജില്ലാ ആശുപത്രിയില് ചികിത്സത്സയിലാണ്. ഇതിന്റെ തുടര്ച്ചയായി സിപിഎം പ്രവര്ത്തകനായ പനങ്കാവ് ശങ്കരന് കടക്ക് സമീപത്തെ റഫീഖിനെ വെട്ടിപ്പരിക്കേല്പ്പിച്ചു. അക്രമികളില് നിന്നും രക്ഷപ്പെടാനായി ആശാരിക്കമ്പനിക്ക് സമീപമുള്ള ഒരു വീട്ടില് ഓടിക്കയറിയ റഫീഖിനെ പിന്തുടര്ന്നെത്തിയ എസ്ഡിപിഐ സംഘം വീട്ടില്ക്കയറി വെട്ടിപ്പരിക്കേല്പ്പിക്കുകയായിരുന്നു.
ഏതാനും ദിവസങ്ങളായി മേഖലയില് സിപിഎം-എസ്ഡിപിഐ സംഘര്ഷം നിലനില്ക്കുയായിരുന്നു. സംഘര്ഷത്തെ തുടര്ന്ന് മേഖലയില് ശക്തമായ പോലീസ് കാവല് ഏര്പ്പെടുത്തിയിട്ടുണ്ട്. സംഘര്ഷമുണ്ടാകുമെന്ന് മുന്കൂട്ടി അറിഞ്ഞിട്ടും പോലീസ് ആവശ്യമായ മുന്കരുതലൊരുക്കാത്ത നടപടി പ്രതിഷേധത്തിന് കാരണമായിട്ടുണ്ട്.
