ഇരിങ്ങാലക്കുട: എടതിരിഞ്ഞി എച്ച് ഡി പി സമാജം ക്ഷേത്രകുളത്തില് സാമൂഹ്യദ്രോഹികള് വിഷം കലക്കിയതിനെ തുടര്ന്ന് മീനുകള് ചത്തു പൊങ്ങി. തിരാത്ത് കുളത്തിലാണ് സാമൂഹ്യ വിരുദ്ധര് ലോക ജലദിനത്തില് തന്നെ വിഷം കലക്കിയത്. കുളത്തില് ചണ്ടികള് അധികമായതിനാല് ഗ്രസ്സ്കാര്പ് ഇനത്തില് പെട്ട മീനുകള് ഈ കുളത്തില് വളര്ത്തിയിരുന്നതായി സമാജം ഭാരവാഹികള് പറഞ്ഞു.
പഞ്ചായത്തിന്റെ മീന് വളര്ത്തല് പദ്ധതി പ്രകാരം കട്ടള, മൃഗാല എന്നി മീനുകളെയും കുളത്തില് വളര്ത്തിയിരുന്നു. കുളത്തിലെ മീനുകളെ സമീപവാസികള് ഇതിനു മുന്പും അനധികൃതമായി പിടിക്കാന് ശ്രമിച്ചിരുന്നു. സമാജം വക ക്ഷേത്രത്തിന് ചുറ്റും നീരിക്ഷണ ക്യാമറകള് ഉണ്ടെങ്കിലും കുളിക്കടവ് ആയതിനാല് ഈ ഭാഗത്തു ക്യാമറ പ്രവര്ത്തിപ്പിച്ചിരുന്നില്ല.
കുളത്തിലെ വെള്ളം പരിശോധനയ്ക്കായി തൃശ്ശൂരിലേയ്ക്ക് അയച്ചിട്ടുണ്ട്. കാട്ടൂര് പോലിസില് പരാതി നല്കിയിട്ടുണ്ട്. വേനലവധികാലത്തു വിദ്യാര്ത്ഥികളെ ഇവിടെ നീന്തല് പഠിപ്പിക്കാനുള്ള പദ്ധതികളുമായി മുന്നോട്ട് പോകുകയായിരുന്നു സ്കൂള് അധികൃതര്.
ഈ ഹീനകൃത്യം ചെയ്തവരെ സമൂഹത്തിനു മുമ്പില് കൊണ്ടുവരണമെന്ന് ബിജെപി പഞ്ചായത്ത് വാര്ഡ് അംഗം ബിനോയ് കോലാന്ത്ര ആവശ്യപ്പെട്ടു. ക്ഷേത്രകമ്മിറ്റി ക്ഷേത്രക്കുളത്തോട് തികഞ്ഞ അനാസ്ഥയാണ് കാട്ടുന്നതില് ബിജെപി പഞ്ചായത്ത് കമ്മിറ്റിയും പ്രതിഷേധിച്ചു.
