കോതമംഗലം: വനം വകുപ്പിന്റെ നിഷേധനിലപാടില് പ്രതിഷേധിച്ച് കുട്ടമ്പുഴ പഞ്ചായത്ത് കമ്മിറ്റിയുടെ നേത്യത്വത്തില് വനം വകുപ്പ് ഓഫീസിലേക്ക് പ്രതിഷേധ മാര്ച്ചും ധര്ണ്ണയും നടത്തി. ബിജെപി എറണാകുളം ജില്ലാ ജന:സെക്രട്ടറി അഡ്വ.കെ.എസ്. ഷൈജു ഉദ്ഘാടനം ചെയ്തു. ആദിവാസി കുടി ഉള്പ്പെടെയുള്ള പ്രദേശത്ത് വന്യമൃഗങ്ങളുടെ ശല്യം കാരണം ജനം നട്ടം തിരിയുകയാണ്. നിരവധി മനുഷ്യ ജീവന് നഷ്ടപ്പെട്ടു. കാര്ഷിക വിളകള് നശിപ്പിക്കുന്നു. വിഷപാമ്പുകളുടെ ആക്രമണവും പതിവാണ്.
ജനങ്ങളുടെ ജീവനും സ്വത്തിനു സംരക്ഷണം നല്കേണ്ട സര്ക്കാര് അമ്പേ പരാജയപ്പെട്ടിരിക്കുകയാണ്. വനാതിര്ത്തിയില് ഉറപ്പുള്ള ഫെന്സിംങ്ങ് സ്ഥാപിക്കാന് വനം വകുപ്പ് തയ്യാറാകണം. ജീവന് നഷ്ടപ്പെട്ടവരുടെ ഉറ്റവര്ക്ക് നഷ്ടപരിഹാരം ഉടന് നല്കണമെന്നും ഉദ്ഘാടനം ചെയ്ത് അദ്ദേഹം പറഞ്ഞു. ബിജെപി കുട്ടമ്പുഴ പഞ്ചായത്ത് പ്രസിഡന്റ് സി.കെ. കൃഷ്ണന്കുട്ടി അദ്ധ്യക്ഷനായി. കോതമംഗലം മണ്ഡലം പ്രസിഡന്റ ഇ.ടി. നടരാജന്, യുവമോര്ച്ച സംസ്ഥാന ഉപാദ്ധ്യക്ഷന് കെ. ബസിത് കുമാര്, മണ്ഡലം സെക്രട്ടറി സജീവ് മലയിന്കീഴ്, പയസ് കുട്ടമ്പുഴ, മിഥുന് മണി, പഞ്ചായത്ത് ജന:സെക്രട്ടറി പി.എന്.ശിവന്, ഓമനക്കുട്ടന്, എന്നിവര് പ്രസംഗിച്ചു.
