പയ്യാവൂര്: കോട്ടയം അതിരൂപതയുടെ നേതൃത്വത്തില് 1943ല് മലബാറിലേക്ക് നടത്തിയ ഐതിഹാസികവും, ചരിത്രപ്രസിദ്ധവുമായ ക്നാനായ കുടിയേറ്റത്തിന്റെ പ്ലാറ്റിനം ജൂബിലി ആഘോഷങ്ങളുടെ ഭാഗമായി ഇന്ന് രാവിലെ 9.30 മുതല് വൈകിട്ട് നാല് വരെ ക്നാനായ മലബാര് കുടിയേറ്റ സിമ്പോസിയം നടക്കും. രാവിലെ 9.30ന് മോണ്.സിറിയക്ക് മറ്റത്തില് മെമ്മോറിയല് ഹാളില് നടക്കുന്ന സിമ്പോസിയം സെന്റ് തോമസ് ക്രിസ്റ്റ്യന് എന്സൈക്ലോപ്പീഡിയ ഓഫ് ഇന്ത്യ ചീഫ് എഡിറ്റര് പ്രൊഫ. ജോര്ജ് മോനാച്ചേരി ഉത്ഘാടനം നിര്വ്വഹിച്ച് മുഖ്യ പ്രഭാഷണം നടത്തും. കോട്ടയം അതിരൂപതാ മെത്രാപ്പോലീത്ത മാര്: മാത്യു മൂലേക്കാട്ട് അദ്ധ്യക്ഷത വഹിക്കും മാര്: ജോസഫ് പണ്ടാരശ്ശേരില് സ്വാഗതവും ഫാ: ഷാജി മുകളേല് നന്ദിയും പറയും. ക്നാനായ കുടിയേറ്റം: വിശുദ്ധ ഗ്രന്ഥ പശ്ചാത്തലവും ദൈവശാസ്ത്ര സാംഗത്യവും എന്ന വിഷയത്തില് റവ: ഡോ: ജോയി കറുകപ്പറമ്പിലും, കൊടുങ്ങല്ലൂര് ക്നാനായ കുടിയേറ്റം: ചരിത്ര സന്ധികള് എന്ന വിഷയത്തിന് ഫാ: ബൈജു മുകളേലും, മുന് ബ്രിട്ടീഷ് മലബാര് കുടിയേറ്റവും സുറിയാനി കത്തോലിക്കാ സമൂഹ രൂപീകരണവും എന്ന വിഷയത്തില് റവ.ഡോ: കെ.എസ്.മാത്യൂവും, മലബാറിലേക്കുള്ള ക്നാനായ കുടിയേറ്റം എന്ന വിഷയത്തില് ഫാ: ജോര്ജ് കപ്പുകാലായിലും ക്ലാസെടുക്കും.ഉച്ചകഴിഞ്ഞ് വിവിധ വിഷയങ്ങളില് നടക്കുന്ന ചര്ച്ചയില് റവ.ഡോ: ജേക്കബ് മുല്ലൂര്, സിസ്റ്റര് ജെസി, ഡോ: സി.കെ.ലൂക്കോസ്. ഡോ: ടി.എ.സ്റ്റീഫന് എന്നിവര് പങ്കെടുക്കും.
ക്നാനായ മലബാര് കുടിയേറ്റ സിമ്പോസിയം ഇന്ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.