കറുകച്ചാല്: പാലയ്ക്കല്ത്തകിടി സെന്റ്മേരീസ് ഗവ. ഹൈസ്കൂളില് പെണ്കരുതലുമായി താലോലം പദ്ധതിക്ക് തുടക്കമായി. സ്കൂളിലെ രക്ഷകര്ത്താവ് നഷ്ടപ്പെട്ടതും ഉപേക്ഷിക്കപ്പെട്ടതുമായ 9 പെണ്കുട്ടികളെ ഏറ്റെടുത്ത് സംരക്ഷിക്കുന്ന ‘താലോലം പെണ്മണിക്കൊരു കരുതല്’ എന്ന പദ്ധതിക്കാണ് തുടക്കമായത്. പദ്ധതിയിലുള്പ്പെട്ട പെണ്കുട്ടികളുടെ വിദ്യാഭ്യാസചിലവ്, പാഠ്യേതര പ്രവര്ത്തനങ്ങള്ക്ക് വേണ്ട സഹായം പഠനമുറി ക്രമീകരിക്കല്, പഠനോപകരണങ്ങളുടെ ലഭ്യത തുടങ്ങിയ സഹായങ്ങളാണ് ഒരുക്കുന്നത്. പെണ്കുട്ടികള്ക്ക് ജോലി ലഭിക്കുന്നതുവരെയോ വിവാഹം കഴിക്കുന്നതുവരെയോ ഉള്ള കാലയളവാണ് പദ്ധതിയുടെ കാലാവധി. പ്രവാസിയായ അജിത്ത് പൗവ്വത്തിലിനുവേണ്ടി മാതാവ് തങ്കമ്മ രാമചന്ദ്രനില് നിന്നും ആദ്യ സംഭാവന ഏറ്റുവാങ്ങി പത്തനംത്തിട്ട ജില്ലാ പഞ്ചായത്ത് പ്രസിഡന്റ് അന്നപൂര്ണ്ണദേവി പദ്ധതി ഉദ്ഘാടനം ചെയ്തു. പിടിഎ പ്രസിഡന്റ് സേതുലക്ഷ്മി അദ്ധ്യക്ഷത വഹിച്ചു. കുടുംബശ്രീ മിഷന് കോ ഓര്ഡിനേറ്റര് സാബിര്ഹുസൈന് മല്ലപ്പള്ളി പഞ്ചായത്തു പ്രസിഡന്റ് റജി സാമുവേല് കല്ലൂപ്പാറ പഞ്ചായത്ത് പ്രസിഡന്റ് റജി ചാക്കോ പി.ടി.എ പ്രസിഡന്റും ജില്ലാ പഞ്ചായത്ത് അംഗവുമായ എസ്. വി. സുബിന് എന്നിവര് പ്രസംഗിച്ചു.
പാലയ്ക്കല്ത്തകിടി സ്കൂളില് പെണ്കുട്ടികള്ക്കായി നവീനപദ്ധതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.