പാനൂര്: ആശുപത്രി സ്ഥലം കയ്യേറ്റം.അന്വേഷണസംഘം പാനൂര് വില്ലേജ് ഓഫീസില് മിന്നല് പരിശോധന നടത്തി.പാനൂര് താലൂക്ക് ആശുപത്രിയുടെ ആറുസെന്റ് ഭൂമി പളളി കമ്മറ്റി കയ്യേറിയതായി കഴിഞ്ഞ ദിവസം ജില്ലാ ലീഗല് സര്വ്വീസ് അതോറിറ്റി സെക്രട്ടറിയും, സബ് ജഡ്ജുമായ പികെ.ജയരാജ് കണ്ടെത്തിയിരുന്നു.
ഇന്നലെ ഇതു സംബന്ധിച്ച രേഖകള് പികെ.ജയരാജും സംഘവും പരിശോധിച്ചു.വില്ലേജ് ഓഫീസര് നസീമയില് നിന്നും ആറുസെന്റ് ഭൂമിയില് കരംഅടച്ച രേഖകളും, മറ്റും ജഡ്ജ് പരിശോധിച്ചു. 2011 മുതലാണ് കളളരേഖയുണ്ടാക്കി പളളി കമ്മറ്റി ആറുസെന്റ് സ്ഥലത്ത് കരം അടച്ചു വരുന്നത്. ജനകീയ വേദി സെക്രട്ടറി ഇ.മനീഷ് സംസ്ഥാന ലീഗല് സര്വ്വീസ് അതോറിറ്റി സെക്രട്ടറിയും, ഹൈക്കോടതി ആക്ടിംഗ് ജഡ്ജിയുമായ തോട്ടത്തില് രാധാകൃഷ്ണനു നല്കിയ പരാതിയിലാണ് അന്വേഷണം നടന്നു വരുന്നത്.
