പാലക്കാട്: കാശ്യപവേദ റിസര്ച്ച് ഫൗണ്ടേഷന്റെ വേദവിദ്യാ പഠനഗവേഷണകേന്ദ്രം ഉദ്ഘാടനത്തിന്റെയും ഗീതാജ്ഞാന യജ്ഞത്തിന്റെയും പ്രചാരണാര്ഥം നടത്തുന്ന വേദരഥയാത്രഇന്ന് പാലക്കാടെത്തും.
ഏപ്രില് ഒന്നുമുതല് മൂന്നുവരെ കോഴിക്കോട്ടാണ് പരിപാടികള്. യഥാര്ഥ ഭഗവദ്ഗീത എന്ന പുസ്തകത്തിന്റെ പ്രകാശനവും ഇതോടൊപ്പം നടക്കും. ‘ഗീതപഠിക്കൂ വേദത്തിലേക്ക് മടങ്ങൂ’ എന്നതാണ് വേദരഥയാത്രയുടെ സന്ദേശം.
ഫെബ്രുവരി 20ന് പാറശ്ശാല ശ്രീകൃഷ്ണക്ഷേത്രത്തില്നിന്ന് പുറപ്പെട്ട ജാഥ മാര്ച്ച് 31ന് കൊല്ലൂരില് സമാപിക്കും.
ഇന്നു രാവിലെ ഏഴുമണിയോടെ മാണിക്യപ്പാടം ശ്രീകൃഷ്ണക്ഷേത്രത്തില് നടക്കുന്ന സ്വീകരണത്തോടെ വേദരഥയാത്ര ജില്ലയിലെ പ്രയാണം തുടങ്ങും.
ബുധനാഴ്ചവരെ ജില്ലയിലെ വിവിധ ക്ഷേത്രങ്ങളില്നിന്നും ആശ്രമങ്ങളില്നിന്നും സ്വീകരണം ഏറ്റുവാങ്ങി പ്രയാണം തുടരും. കൂറ്റനാട് വിവേകാനന്ദ സേവാസമിതിയിലെ സ്വീകരണത്തോടെയാണ് ജില്ലയിലെ യാത്ര അവസാനിക്കുന്നത്.
