മണ്ണാര്ക്കാട്: കാഞ്ഞിരം പള്ളിപ്പടിയില് മുത്താലു(42)വിന്റെ മരണം കൊലപാതകമെന്ന് തെളിഞ്ഞതിനെ തുടര്ന്ന് പിതാവ് നാരായണ(66)നെ പോലീസ് അറസ്റ്റു ചെയ്തു.
രണ്ടുദിവസം മുമ്പാണ് വീടിനുപിറകുവശത്ത് മുത്താലുവിനെ മരിച്ചനിലയില് കാണപ്പെട്ടത്. ശരീരത്തില് മര്ദ്ദനം ഏറ്റപ്പാടുകള് ഉണ്ടായിരുന്നു. കഴുത്തില് അമര്ത്തിപിടിച്ച് ശ്വാസം മുട്ടിച്ചാണ് കൊലനടത്തിയതെന്ന് പോലീസ് പറഞ്ഞു.
രാത്രി മദ്യപിച്ചെത്തിയ മുത്താലു പിതാവിനെ മര്ദ്ദിക്കുകയും തുടര്ന്നു നടന്ന അടിപിടിയില് നാരായണന് കഴുത്തില് അമര്ത്തിപിടിച്ചതുമൂലം ശ്വാസം മുട്ടിമരിക്കുകയുമായിരുന്നു.മണ്ണാര്ക്കാട് സിഐ ഹിദ്ദായത്തുള്ള മാമ്പ്ര, എസ്ഐ ഷിജു എബ്രഹാം എന്നിവരാണ് അറസ്റ്റുചെയ്ത്.നാരായണനെ റിമാന്റ് ചെയ്തു.
