ചാത്തന്നൂര്: കല്ലുവാതുക്കല് ഗ്രാമപഞ്ചായത്തിലെ ബിപിഎല് ലിസ്റ്റില് ഉള്പ്പെടുത്തിയിട്ടുള്ള അനര്ഹരെ ഒഴിവാക്കുക, അതിരൂക്ഷമായ കുടിവെള്ളക്ഷാമം പരിഹരിക്കുക തുടങ്ങിയ ആവശ്യങ്ങള് ഉന്നയിച്ച് ബിജെപി കല്ലുവാതുക്കല്-പാരിപ്പള്ളി മേഖലകളുടെ നേതൃത്വത്തില് പഞ്ചായത്ത് ഓഫീസ് ഉപരോധിച്ചു.
ഗ്രാമസഭകള് വിളിച്ചുകൂട്ടി എപിഎല്, ബിപിഎല് ലിസ്റ്റ് ചര്ച്ച ചെയ്യണം എന്ന സര്ക്കാര് നിര്ദ്ദേശം ഇരിക്കെ അവയെല്ലാം കാറ്റില്പറത്തി തന്നിഷ്ടം കാണിക്കുകയാണ് എല്ഡിഎഫ്-യുഡിഎഫ് അംഗങ്ങള് എന്ന് ബിജെപി ആരോപിച്ചു. സമൂഹത്തിലുള്ള പല ഉന്നതന്മാരും ബിപിഎല് ലിസ്റ്റില് കയറികൂടിയിട്ടുണ്ട്, ഗ്രാമസഭകള് വിളിച്ചുകൂട്ടുന്നതില് വീഴ്ചകള് വരുത്തി. ഇതിനെല്ലാം ഉടന് പരിഹാരം കാണാമെന്ന് സെക്രട്ടറി ഉറപ്പുനല്കി.
മേഖല പ്രസിഡന്റ്മാരായ എം. എസ്.ഗോപകുമാര്, സുരേഷ്ചന്ദ്രന്, മണ്ഡലം സെക്രട്ടറി ഇളംകുളം ഗോപകുമാര് എന്നിവര് സംസാരിച്ചു.
