വടക്കഞ്ചേരി : കണമ്പ്രയില് കിഴക്കേകളത്ത് ആര്എസ്എസ് പ്രവര്ത്തകനുനേരെ സിപിഎം. അക്രമം. കിഴക്കേകളം മണികണ്ഠനാണ്(28) വെട്ടേറ്റത്.
കണമ്പ്ര രണ്ട് സിപിഎം ലോക്കല് സെക്രട്ടറി സുരേന്ദ്രന്റെ നേതൃത്വത്തിലായിരുന്നു വടിവാള് തുടങ്ങിയ മാരാകായുധങ്ങളുമായി അക്രമം ഉണ്ടായത്. ഗുരുതരമായി പരിക്കേറ്റ മണികണ്ഠനെ തൃശ്ശൂര് മെഡിക്കല് കോളേജ് ആശുപത്രിയില് പ്രവേശിപ്പിച്ചു. ശരീരത്തില് 23 വെട്ടുകളാണ് ഏറ്റിട്ടുള്ളത്.
കണ്ണൂരില് രമിത്ത് കൊല്ലപ്പെട്ട സംഭവത്തോടനുബന്ധിച്ച് കണമ്പ്രയില് നടന്ന പ്രകടനത്തെ സിപിഎമ്മുകാര് അക്രമിച്ചിരുന്നു. ഇതിന് നേതൃത്വം നല്കിയ സുരേന്ദ്രന്, ഷറഫുദീന്, കണ്ണന്, എന്നിവര്ക്കെതിരെ പോലീസ് ദുര്ബലമായ കേസുകളാണ് എടുത്തത്. ജാമ്യത്തിലിറങ്ങിയ ഇവരുടെ നേതൃത്വത്തിലായിരുന്നു വീണ്ടും അക്രമം നടന്നത്. പോലീസിന്റെ ഭാഗത്തുനിന്നും നിക്ഷ്പക്ഷ സമീപനം ഇല്ലെന്ന് ബിജെപി നേതാക്കള് ചൂണ്ടിക്കാട്ടി.
ആയക്കാട് സിഎ ഹൈസ്ക്കൂളില് വിദ്യാര്ത്ഥി സംഘര്ഷത്തെ തുടര്ന്നും രാഷ്ട്രീയ സംഘട്ടനം ഉണ്ടായിരുന്നു. ചൊവ്വാഴ്ച്ച രാത്രി നടന്ന അക്രമത്തിനും നേതൃത്വം നല്കിയതും സുരേന്ദ്രനും, ഷറഫുദീനും, കണ്ണനുമായിരുന്നു. സന്ദീപ്, സജിത്ത്, ജയപ്രകാശന്, കണ്ടാലറിയാവുന്ന മറ്റുനാലുപേര് എന്നിവരും അക്രമത്തില്പങ്കാളികളാണ്.
