വിളപ്പില്: പേയാട് കണ്ണശ്ശ മിഷന് ഹൈസ്കൂള് വാര്ഷികം ആഘോഷിച്ചു. സ്കൂള് ആഡിറ്റോറിയത്തില് നടന്ന ആഘോഷ പരിപാടികള് മുന് ചീഫ് സെക്രട്ടറി സി.പി.നായര് ഉദ്ഘാടനം ചെയ്തു. കഠിനാദ്ധ്വാനമുണ്ടെങ്കില് ആര്ക്കും ഉന്നതിയില് എത്താനാകുമെന്ന് സി.പി.നായര് പറഞ്ഞു. ലക്ഷ്യബോധമുള്ള കുട്ടികള്ക്ക് ഒരിടത്തും പതറേണ്ടി വരില്ല. സ്വാമി വിവേകാനന്ദന്റെ ദര്ശനങ്ങള് കുട്ടികള് ജീവിതത്തില് പകര്ത്തണമെന്നും അദ്ദേഹം പറഞ്ഞു. ഇന്നത്തെ ജീവിത സാഹചര്യങ്ങള് വലുതാണ്. കുട്ടികള്ക്ക് ഉയരങ്ങളിലെത്താന് എല്ലാ പിന്തുണയും നല്കുന്ന ഒരു പ്രധാനമന്ത്രിയാണ് ഇന്ന് രാജ്യം ഭരിക്കുന്നത്. അതില് നമുക്ക് അഭിമാനിക്കാമെന്നും അദ്ദേഹം അഭിപ്രായപ്പെട്ടു. സിവില് സര്വീസ് പരീക്ഷയില് എങ്ങനെ സജ്ജരാകാമെന്ന അറിവ് കുട്ടികള്ക്ക് പകരാന് കണ്ണശ്ശ തയ്യാറാക്കിയ സിവില് സര്വീസ് സഹായി എന്ന പുസ്തകം സി.പി.നായര് കവി മുരുകന് കാട്ടാക്കടയ്ക്ക് നല്കി പ്രകാശനം ചെയ്തു. പുസ്തകത്തിന്റെ കോപ്പികള് സമീപത്തെ മുഴുവന് സ്കൂളുകളിലെയും വിദ്യാര്ത്ഥികള്ക്ക് വരും ദിവസങ്ങളില് സൗജന്യമായി വിതരണം ചെയ്യുമെന്ന് സ്കൂള് ചെയര്മാന് ആനന്ദ് കണ്ണശ്ശ പറഞ്ഞു. ചലച്ചിത്ര താരം പാര്വതി സമ്മാനദാനം നിര്വഹിച്ചു.
സ്കൂള് സ്ഥാപകന് എസ്.സുശീലന് നായരുടെ അദ്ധ്യക്ഷതയില് ചേര്ന്ന സമ്മേളനത്തില് വിളവൂര്ക്കല് പഞ്ചായത്ത് പ്രസിഡന്റ് വി.അനില്കുമാര്, വാര്ഡ് മെമ്പര്മാരായ എസ്.ശാലിനി, സി.എസ.്അനില്, അസീസ്, പ്രിന്സിപ്പാള് ഡോ.രാജേന്ദ്ര ബാബു, പിറ്റിഎ പ്രസിഡന്റ് പി.എസ്.പ്രേംകുമാര്, വൈസ് പ്രസിഡന്റ് പ്രവീണ് കുമാര് എന്നിവര് സംസാരിച്ചു.
