തിരുവനന്തപുരം: മുതിര്ന്ന പത്രപ്രവര്ത്തകരുടെ ആരോഗ്യപരിരക്ഷാ പദ്ധതിക്കായി സംസ്ഥാന ബജറ്റില് തുക വകയിരുത്തണമെന്ന് ആവശ്യപ്പെട്ട് സീനിയര് ജേര്ണലിസ്റ്റ്സ് ഫോറം ഭാരവാഹികള് മുഖ്യമന്ത്രി പിണറായി വിജയന്, ധനകാര്യ മന്ത്രി ഡോ. തോമസ് ഐസക് എന്നിവര്ക്ക് നിവേദനം സമര്പ്പിച്ചു.
പത്രപ്രവര്ത്തക പെന്ഷന് 12,000രൂപയായി ഉയര്ത്തുക, അവശ പത്രപ്രവര്ത്തക പെന്ഷന് വര്ദ്ധന നടപ്പിലാക്കുക, ആശ്രിത പെന്ഷന് വര്ദ്ധിപ്പിക്കുക, പെന്ഷന് എല്ലാ മാസവും മുടങ്ങാതെ ലഭ്യമാക്കാന് നടപടികള് സ്വീകരിക്കുക എന്നീ ആവശ്യങ്ങളും നിവേദനത്തില് ഉന്നയിച്ചു. ഫോറം സംസ്ഥാന പ്രസിഡന്റ് ഡോ. നടുവട്ടം സത്യശീലന്, ജനറല് സെക്രട്ടറി എ. മാധവന്, സെക്രട്ടറി കെ.പി. വിജയകുമാര്, മുതിര്ന്ന പത്രപ്രവര്ത്തകന് എന്.പി. ചെക്കുട്ടി എന്നിവരാണ് നിവേദക സംഘത്തിലുണ്ടായിരുന്നത്.
