കൊട്ടാരക്കര: മതങ്ങള് തമ്മിലുള്ള സംഘര്ഷം ചര്ച്ചകളിലൂടെയും സംവാദങ്ങളിലൂടെയും പരിഹരിക്കണമെന്നും എല്ലാ മതങ്ങളിലെയും ഉദാത്തമായ ആശയങ്ങള് ജീവിതത്തില് പ്രാവര്ത്തികമാക്കണമെന്നും യുണൈറ്റഡ് റിലീജിയന്സ് ഇനിഷ്യേറ്റീവ് രാജ്യാന്തര യൂത്ത് കോ-ഓര്ഡിനേറ്റര് സാറാ ഒലിവര് (ദക്ഷിണാഫ്രിക്ക)പറഞ്ഞു.
യുആര്ഐ ദക്ഷിണേന്ത്യാഘടകം സംഘടിപ്പിച്ച ഐക്യരാഷ്ട്രസഭ മതസൗഹാര്ദ്ദ വാരാചരണത്തിന്റെ സമാപനസമ്മേളനം ഉദ്ഘാടനം ചെയ്യുകയായിരുന്നു അവര്. ഭാരതത്തിന്റെ മതേതരത്വവും മതസഹിഷ്ണുതയും ഇതര രാജ്യങ്ങള്ക്ക് അനുകരണീയമെും സാറാ ഒലിവര് ഓര്മ്മിപ്പിച്ചു. യുആര്ഐ ഏഷ്യാ സെക്രട്ടറി ജനറല് ഡോ.ഏബ്രഹാം കരിക്കം അധ്യക്ഷത വഹിച്ചു. വൈ.എം.സി.എ. അഖിലേന്ത്യാ നിര്വാഹകസമിതി അംഗം കെ.ഒ.രാജുക്കുട്ടി മുഖ്യപ്രഭാഷണം നടത്തി. ജോ റിച്ചാര്ഡ്, രാജന് കോസ്മിക്, ടി.കെ. രാമചന്ദ്രന്, മത്തായിക്കുട്ടി, വെട്ടിക്കവല സോമദാസ്, മോഹന്ലാല്, സാമുവല് നെല്ലിക്കാട് എന്നിവര് സംസാരിച്ചു.
