തിരുവനന്തപുരം: ആദ്ധ്യാത്മിക പുസ്തകങ്ങളുടെ ശേഖരവുമായി ആദ്ധ്യാത്മിക മേളയിലെ സ്റ്റാളുകള് ശ്രദ്ധേയമാകുന്നു. സന്ധ്യാ നാമങ്ങള് മുതല് ഉപനിഷത്തുക്കളും ഭഗവത് ഗീതയും വരെയുള്ള ആദ്ധ്യാത്മിക പുസ്തകങ്ങളുടെ കലവറകൂടിയായി മാറുകയാണ് മേള.
മുപ്പതോളം പ്രസാധകരാണ് പുസ്കങ്ങളുമായി മേളയെ സമ്പന്നമാക്കിയിരിക്കുന്നത്. ബാലഗോകുലത്തിന്റെ നേതൃത്വത്തില് കുട്ടികള്ക്കായുള്ള ആദ്ധ്യാത്മിക കഥകളടങ്ങിയ പുസ്കങ്ങള് ഏറെ ശ്രദ്ധേയമാണ്. യോഗ, ദിനചര്യകള്, പ്രാര്ത്ഥനകള്, ജീവിത ശൈലികള് തുടങ്ങി ഭാരത സംസ്കാരത്തെ കുറിച്ചുള്ള മുഴുവന് സംസ്കാരവും ഉള്ക്കൊള്ളുന്നതാണ് പുസ്ക സ്റ്റാളുകള്. വിവേകാനന്ദ കൃതികളും ശ്രീരാമകൃഷ്ണ മിഷന്റെ പുസ്കങ്ങളും മേളയെ വേറിട്ടതാക്കുന്നു.
ഭാരതീയ വിചാര കേന്ദ്രം, ശ്രീരാമകൃഷ്ണ മിഷന്, ചിന്മയാ മിഷന്, കുരുക്ഷേത്ര പബ്ലിക്കേഷന്സ്, ജന്മഭൂമി, മാതാ അമൃതാനന്ദമയീ മഠം, ആര്ട്ട് ഓഫ് ലിവിംഗ്, രാജസ്ഥാനിലെ ഇന്റര്നാഷണല് ഗായത്രിപരിവാര്, കോഴിക്കോട് കശ്യപാശ്രമം, കര്ണാടകയിലെ സംബോധ് ഫൗണ്ടേഷന്, ഹിന്ദൂസ് ഓഫ് നോര്ത്ത് അമേരിക്ക, കന്യാകുമാരി വിവേകാനന്ദകേന്ദ്രം, തിരുവണ്ണാമല യൂണിവേഴ്സല് ക്രിയ ഫൗണ്ടേഷന്, സായിഗ്രാമം, ശ്രീപദ്മനാഭസ്വാമി ക്ഷേത്രം അമ്പാടി ഗോശാല തുടങ്ങി വിവിധ പുസ്തകശാലകളാണ് പുസ്ക ശേഖരം ഒരുക്കിയിരിക്കുന്നത്.
കൂടാതെ സേവാഭാരതി,ക്ഷേത്ര സംരക്ഷണ സമിതി, ആര്യസമാജം, അയ്യപ്പ സേവാസംഘം, കോഴിക്കോട് അദ്ധൈ്വതാശ്രമം, ഏകലവ്യാശ്രമം, അക്ഷരഭൂമി, ഭാരത ക്ഷേത്ര ഭൂസംരക്ഷണ വേദി, ഹിന്ദു ഐക്യ പുരേഗമന പ്രസ്ഥാനം, അനന്തപുരി ഹിന്ദു ധര്മ്മ പരിഷത്ത്, ജീവനം,അക്ഷയശ്രീ തുടങ്ങിയവയും മേളയില് പങ്കെടുക്കുന്നുണ്ട്.
