ഇരിങ്ങാലക്കുട: തിരുവനന്തപുരം ലോ കോളേജ് പ്രിന്സിപ്പല് ലക്ഷ്മി നായരുടെ രാജി ആവശ്യപ്പെട്ടു തിരുവനന്തപുരത്തു നടന്ന സമരത്തിനിടെ ബിജെപി സംസ്ഥാന ജനറല് സെക്രട്ടറി കെ . സുരേന്ദ്രനും ബിജെപി പ്രവര്ത്തകര്ക്കും എതിരെയുള്ള പൊലീസ് മര്ദ്ദനത്തില് പ്രതിഷേധിച്ചു, ബിജെപി ഇരിങ്ങാലക്കുട മുന്സിപ്പല് കമ്മിറ്റിയുടെ നേതൃത്വത്തില് പ്രതിഷേധ പ്രകടനം നടത്തി. രമേഷ് വി .സി , സൂരജ് നമ്പ്യങ്കാവ് , സന്തോഷ് ബോബന്, വിഷ്ണു കെ .പി , ശ്യാം എന്നിവര് നേതൃത്വം നല്കി.
കൊടുങ്ങല്ലൂര്: തിരുവനന്തപുരത്ത് ലോഅക്കാദമി സമരം നടത്തിയ ബിജെപി സംസ്ഥാന നേതാക്കളെ പോലീസ് മര്ദ്ദിച്ചതില് ്രപതിഷേധിച്ച് ബിജെപി മണ്ഡലം കമ്മറ്റി പ്രകടനം നടത്തി. എല്.കെ.മനോജ്, എം.യു.ബിനില്, കെ.എ.സുനില്കുമാര്, ഇറ്റിത്തറ സന്തോഷ്, ശിവറാം, ശരത്ത്, മായ സജീവ്, ശാലിനി വെങ്കിടേഷ് തുടങ്ങിയവര് നേതൃത്വം നല്കി. യോഗത്തില് പ്രസിഡണ്ട് എം.ജി.പ്രശാന്ത്ലാല് അധ്യക്ഷത വഹിച്ചു. അഡ്വ.ഡി.ടി.വെങ്കിടേശ്വരന് മുഖ്യ പ്രഭാഷണം നടത്തി.
ചാലക്കുടി: ബിജെപി സംസ്ഥാന നേതാക്കളെ ക്രൂരമായി മര്ദ്ദിച്ച പോലീസ് നടപടിക്കെതിരെ ചാലക്കുടിയില് ബിജെപി മണ്ഡലം കമ്മിറ്റിയുടെ നേതൃത്വത്തില് പ്രതിഷേധ പ്രകടനവും യോഗവും നടത്തി. മണ്ഡലം പ്രസിഡന്റ് കെ.എ.സുരേഷ് യോഗം ഉദ്ഘാടനം ചെയ്തു. ജില്ലാ കമ്മിറ്റിയംഗം കെ.എം.സുബ്രഹ്മണ്യന്, ജനറല് സെക്രട്ടറിമാരായ കെ.യു.ദിനേശന്, അഡ്വ.സജികുറുപ്പ്, സുനില് കാരാപ്പാടം, രമേശന് അന്നനാട്,പി.എസ്.സുമേഷ് തുടങ്ങിയവര് സംസാരിച്ചു.
