കണ്ണൂര്: കണ്ണൂരില് കേരള പൊലീസിന്റെ പിങ്ക് പട്രോളിന്റെ ഉദ്ഘാടനം മുഖ്യമന്ത്രി പിണറായി വിജയന് നിര്വ്വഹിച്ചു. പൊലീസിന്റെ പിങ്ക് പട്രോള് സംവിധാനം സ്ത്രീ സുരക്ഷ ഉറപ്പാക്കുന്നതിനായാണ് ആരംഭിച്ചിട്ടുള്ളത്. കണ്ണൂരിലും തലശ്ശേരിയിലുമായി രണ്ട് യൂനിറ്റുകളാണ് ജില്ലയില് ആരംഭിക്കുന്നത്. 22 വനിത പൊലീസുകാരെ ഇതിനായി വിന്യസിച്ചിട്ടുണ്ട്. 24 മണിക്കൂറും ഇവരുടെ സേവനം ലഭ്യമാകും. സംസ്ഥാനമാകെ പിങ്ക് പട്രോള് സൗകര്യം ലഭ്യമാകണമെന്നാണ് സര്കാര് ലക്ഷ്യമിടുന്നത്.
ചടങ്ങില് മന്ത്രി രാമചന്ദ്രന് കടന്നപ്പള്ളി അധ്യക്ഷത വഹിച്ചു. ജി്ലാ പഞ്ചായത്ത് വൈസ് പ്രസിഡണ്ട് പി.പി.ദിവ്യ സ്ത്രീ സുരക്ഷാ സന്ദേശം നല്കി. ഡിവൈഎസ്പി പി.പി.സദാനന്ദന് രചിച്ച കോര്പ്പറേറ്റ് ഡിസെപ്ഷന് എന്ന പുസ്തകത്തിന്റെ പ്രകാശനവും മുഖ്യമന്ത്രി നിര്വഹിച്ചു. കണ്ണൂര് യൂനിവേഴ്സിറ്റി സാമ്പത്തിക ശാസ്ത്ര വിഭാഗം മേധാവി പ്രഫ.ഗംഗാധരന് പുസ്തകം ഏറ്റുവാങ്ങി. ഡോ.ടി.പി.കുഞ്ഞിക്കണ്ണന് പുസ്തകം പരിചയപ്പെടുത്തി.
ഉത്തരമേഖല ഡിജിപി രാജേഷ് ദിവാന്, ജില്ലാ കലക്ടര് മീര് മുഹമ്മദലി, കെഎപി കമാണ്ടന്റ് സഞ്ജയ് കുമാര് ഗുരുഡിന് തുടങ്ങിയവര് സംബന്ധിച്ചു. ജില്ലാ പൊലീസ് മേധാവി കെ പി ഫിലിപ്പ് സ്വാഗതം പറഞ്ഞു. കണ്ണൂര് പൊലീസ് നടപ്പിലാക്കുന്ന ആതുരമിത്രം പദ്ധതിയില് നിന്നുള്ള ധനസഹായ വിതരണവും ചടങ്ങില് മുഖ്യമന്ത്രി നിര്വഹിച്ചു.
