വര്ക്കല: ഇലകമണ് പഞ്ചായത്തിലെ വിളപ്പുറത്ത് വര്ഷങ്ങളായി പെന്തക്കോസ്ത് വിഭാഗം നടത്തിവരുന്ന ക്രിസ്ത്യന് മതപരിവര്ത്തനകേന്ദ്രം എത്രയുംവേഗം അടച്ചുപൂട്ടാനുള്ള നടപടി സ്വീകരിക്കണമെന്ന് വിശ്വഹിന്ദു പരിഷത്ത് ഇലകമണ് ഖണ്ഡ് സമിതി ആവശ്യപ്പെട്ടു. വര്ഷങ്ങളായി പ്രാര്ഥനയുടെ മറവില് ഹിന്ദുവീടുകളില് കയറിയിറങ്ങി നിരവധിപേരെ ക്രിസ്തുമതത്തിലേക്ക് ചേര്ത്തു. ഹിന്ദുദൈവങ്ങളെ ആക്ഷേപിക്കുന്ന തരത്തിലുള്ള പ്രസംഗങ്ങള് ഹിന്ദുമത വിശ്വാസികള്ക്ക് വളരെയേറെ ബുദ്ധിമുട്ട് സൃഷ്ടിക്കുന്നതായും വിഎച്ച്പി ഖണ്ഡ് സമിതി യോഗം വിലയിരുത്തി.
തെങ്ങുവിള സജീവിന്റെ അദ്ധ്യക്ഷതയില് നടന്ന യോഗം ജില്ലാ പ്രസിഡന്റ് രാമചന്ദ്ര ആചാര്യ ഉദ്ഘാടനം ചെയ്തു. ഇലകമണ് സതീശന് സംസാരിച്ചു. ഭാരവാഹികളായി തെങ്ങുവിള സജീവ്(പ്രസിഡന്റ്), സുധീര്, ശശിധരകുറുപ്പ്(വൈസ് പ്രസിഡന്റുമാര്), ബിനു ഊന്നിന്മൂട്(സെക്രട്ടറി), ബാബു, സുജുകുമാര്(ജോയിന്റ്സെക്രട്ടറിമാര്), കനക രാജന് (ട്രഷറര്), അഖില് (ബജ്റംഗദള് സംയോജക്), രാജേന്ദ്രന് പിള്ള, വിനീത്, പ്രകാശ്, എസ്. ഗ്ലാഡിന്, ജയന്, സാബു(പഞ്ചായത്ത് സമിതി അംഗങ്ങള്) എന്നിവരെ തെരഞ്ഞെടുത്തു.
ഖണ്ഡ് സമ്മേളനവും മഹാസത്സംഗവും ഇന്ന് വൈകിട്ട് 3 ന് കെടാകുളം സുബ്രഹ്മണ്യസ്വാമി ക്ഷേത്രത്തിന് സമീപം നടക്കും. സംസ്ഥാന സത്സംഗ പ്രമുഖ് ഓമനക്കുട്ടന് ഉദ്ഘാടനം ചെയ്യും. തെങ്ങുവിള സജീവിന്റെ അദ്ധ്യക്ഷതയില് നടക്കുന്ന സമ്മേളനത്തില് ജില്ലാ സെക്രട്ടറി ഗോപി കൃഷ്ണന്, ജില്ലാ ജോയിന്റ് സെക്രട്ടറി സുനില് വില്ലിക്കടവ്, ബിജെപി സംസ്ഥാന സമിതിഅംഗം ഇലകമണ് സതീശന്, ബജ്റംഗദള് ജില്ലാ സംയോജക് വക്കം സന്തോഷ്, പ്രഖണ്ഡ് സെക്രട്ടറി ജനാര്ദ്ദനപുരം മണികണ്ഠന് എന്നിവര് സംസാരിക്കും.
