മലയാലപ്പുഴ: മലയാലപ്പുഴയില്‍ കഴിഞ്ഞ കുറേ നാളുകളായി നടക്കുന്ന സംഘര്‍ഷങ്ങളില്‍ പക്ഷപാതപരമായ സമീപനം സ്വീകരിക്കുന്ന പോലീസ് നടപടികള്‍ അവസാനിപ്പിക്കണമെന്ന് ബിജെപി കോന്നി നിയോജകമണ്ഡലം കമ്മിറ്റി ആവശ്യപ്പെട്ടു. ശ്രീനാഥ് എന്ന ആര്‍എസ്എസ് പ്രവര്‍ത്തകനെ മര്‍ദ്ദിച്ച കേസിലും തുടര്‍ന്ന് പ്രസന്നന്‍ എന്നയാളിനെ മര്‍ദ്ദിച്ച് മാരകമായി പരിക്കേല്‍പ്പിച്ച കേസിലും പ്രതികളെ പറ്റി മൊഴിയില്‍ വ്യക്തമായി പറഞ്ഞിട്ടും ഡിവൈഎഫ്ഐ പ്രവര്‍ത്തകരായ പ്രതികളില്‍ ഒരാളെപ്പോലും പോലീസ് ഇതുവരെ അറസ്റ്റ് ചെയ്തിട്ടില്ല. മറിച്ച് ആര്‍എസ്എസ് പ്രവര്‍ത്തകര്‍ പ്രതികളായ കേസില്‍ നാട്ടിലുടനീളം പോലീസ് കയറി ഭീകരാന്തരീക്ഷം സൃഷ്ടിക്കുകയും നാല് പേരെ അറസ്റ്റ് ചെയ്യുകയും ചെയ്തു. ആര്‍എസ്എസ് പ്രവര്‍ത്തകര്‍ നല്‍കുന്ന പരാതിയില്‍ ഒരു നടപടിയും സ്വീകരിക്കാതെ സിപിഎമ്മിന്റെ ബി ടീമായി പ്രവര്‍ത്തിക്കുന്ന പോലീസില്‍ വിശ്വാസം നഷ്ടപ്പെട്ടതിനാല്‍ ഈ വിഷയം ഉയര്‍ത്തി ബഹുജന പ്രക്ഷോഭം സംഘടിപ്പിക്കാനും നീതിലഭിക്കുന്നതുവരെ മനുഷ്യാവകാശ കമ്മീഷന്‍ ഉള്‍പ്പെടെയുള്ള സ്ഥാപനങ്ങളുടെ സഹായം തേടാനും ബിജെപി തീരുമാനിച്ചു.
പോലീസിന്റെ ഉദാസീനത അവസാനിപ്പിക്കണം: ബിജെപി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.