ചേര്ത്തല: ഡോക്ടറുടെ കുറിപ്പടിയില് സ്വകാര്യ മെഡിക്കല് സ്റ്റോറിന്റെ പേരും. കമ്മീഷന് ലക്ഷ്യമിട്ടെന്ന് വ്യാപക ആക്ഷേപം. ദേശീയ അംഗീകാരമുള്ള ഗവ. താലൂക്ക് ആശുപത്രിയിലെ എന്ആര്എച്ച്എമ്മിലെ ഡോക്ടറാണ് രോഗിക്ക് നല്കിയ കുറിപ്പടിയില് സ്വകാര്യമെഡിക്കല് സ്റ്റോറിന്റെ പേര് നിര്ദ്ദേശിച്ചത്.
ഒപിയില് എത്തിയ രോഗിക്ക് എക്സറേ കവലയ്ക്ക് സമീപമുള്ള കടയുടെ പേരാണ് ഡോക്ടര് കുറിച്ച് നല്കിയത്. മരുന്ന് ഇവിടെ നിന്നും വാങ്ങണമെന്ന് രോഗിക്ക് നിര്ദ്ദേശവും നല്കിയത്രേ. ആശുപത്രിയിലെ കൈക്കൂലി വീരന്മാരായ ചില ഡോക്ടര്മാരെ കുറിച്ചുള്ള പരാതികള് നേരത്തെ തന്നെ പുറത്തുവന്നിരുന്നു. ചെറിയ അസുഖങ്ങളുമായി എത്തുന്നവരെ പോലും സമീപത്തെ സ്വകാര്യ ആശുപത്രികളിലേക്കും കോട്ടയം വണ്ടാനം മെഡിക്കല് കോളജ്ആശുപത്രികളിലേക്കും പറഞ്ഞുവിടുന്നത് വ്യാപക പ്രതിഷേധത്തിനിടയാക്കിയിരുന്നു.
ആശുപത്രിക്കെതിരെയുള്ള വിവാദങ്ങള് കെട്ടടങ്ങും മുമ്പേയാണ് ഒരു കിലോമീറ്റര് അകലെയുള്ള സ്വകാര്യ മെഡിക്കല് സ്റ്റോറില് നിന്ന് മരുന്നു വാങ്ങാന് ശുപാര്ശ ചെയ്ത് ഡോക്ടര് ചീട്ട് നല്കിയത്. ആശുപത്രിയുടെ തൊട്ടടുത്തുള്ള ജന്ധന്, കാരുണ്യ, നീതി തുടങ്ങിയ കടകളില് നിന്ന് കുറഞ്ഞ വിലക്ക് മരുന്ന് ലഭിക്കുമെന്നിരിക്കെ കമ്മീഷന് ലക്ഷ്യമിട്ടാണ് പുറത്തുള്ള കടയിലേക്ക് ഡോക്ടര് മരുന്നിന് ചീട്ട് നല്കിയതെന്നാണ് വിമര്ശനം. താലൂക്കിന്റെ വിവിധ ഭാഗങ്ങളില് നിന്ന് ദിവസേന ആയിരക്കണക്കിനു പേരാണ് ഇവിടെ ചികിത്സതേടിയെത്തുന്നത്. സാധാരണക്കാരായ രോഗികളെ പിഴിഞ്ഞ് കമ്മീഷന് പറ്റുന്ന ഇത്തരം ഡോക്ടര്മാര്ക്കെതിരെ നടപടി സ്വീകരിക്കണമെന്ന ആവശ്യം ശക്തമായി.
